Live Updates

پشاور زلمی کو مسلسل دوسرے میچ میں بدترین شکست

244 رنز کے ہدف کے تعاقب میں زلمی کی بیٹنگ لائن 141 رنز پر پویلین لوٹ گئی

محمد علی پیر 14 اپریل 2025 23:46

راولپنڈی ( اُردو پوائنٹ اخبارتازہ ترین۔ 14 اپریل 2025ء ) پشاور زلمی کو مسلسل دوسرے میچ میں بدترین شکست، 244 رنز کے ہدف کے تعاقب میں زلمی کی بیٹنگ لائن 141 رنز پر پویلین لوٹ گئی، زلمی کی جانب سے محمد حارث نے 87 رنز کی اننگ کھیلی، اسلام آباد کی جانب سے عماد وسیم نے 3 وکٹیں حاصل کیں۔ مسلسل دوسرے میچ میں پشاور زلمی کی بدترین گیند بازی اور اسلام آباد یونائیٹڈ کے بلے بازوں کے بھرپور لاٹھی چارج کے باعث زلمی کو پہاڑ جیسا ہدف ملا۔

(جاری ہے)

صاحبزادہ فرحان کی شاندار سینچری کی بدولت اسلام آباد مقررہ 20 اوورز میں 243 رنز بنانے میں کامیابی رہی۔ پاکستان سپر لیگ سیزن 10 کے پانچویں میچ میں پشاور زلمی اور اسلام آباد یونائیٹڈ راولپنڈی کرکٹ اسٹیڈیم میں آمنے سامنے آئیں۔ اسلام آباد یونائیٹڈ کے کپتان شاداب خان نے پشاور زلمی کیخلاف ٹاس جیتنے کے بعد پہلے بیٹنگ کرنے کا فیصلہ کیا۔ دفاعی چیمپئن اسلام آباد یونائیٹڈ کا رواں سیزن میں یہ دوسرا میچ تھا، شاداب 11 اپنے پہلے میچ میں فتحیاب رہی تھی۔ جبکہ پشاور زلمی کا بھی یہ دوسرا میچ تھا، بابر 11 کو اپنے پہلے میچ میں شکست کا سامنا ہوا تھا۔