حافظ نعیم الرحمن کی اپیل پر 22اپریل کواہل فلسطین سے یکجہتی کے لیے کراچی تا کشمور سندھ بھرمیں شٹرڈائون ہوگا

منگل 15 اپریل 2025 21:13

کراچی (اُردو پوائنٹ اخبارتازہ ترین - این این آئی۔ 15 اپریل2025ء)امیرجماعت اسلامی سندھ کاشف سعید شیخ نے کہا ہے کہ امیر جماعت حافظ نعیم الرحمن کی اپیل پر 22اپریل کواہل فلسطین سے یکجہتی کے لیے کراچی تا کشمور سندھ بھر میں شٹرڈائون ہوگا۔بے حس عالمی حکمرانوں، حقوق انسانی کے اداروں کے ضمیر کو جھنجھوڑنے اور حکومت پاکستان کو مسئلہ فلسطین پر جرائت مندانہ کردار ادا کرنے پر مجبور کرنے کے لیے پوری قوم ملک گیر شٹرڈائون ہڑتال کرے گی۔

حکومتیںمحض بیانات اورنمائشی قراردادیں نہیں بلکہ عملی اقدامات کرتی ہیں۔عوام صہیونی مصنوعات اورمسلم حکمران سفارتی وتجارتی تعلقات ختم کرکے فلسطینیوں کی نسل کشی کرنے والے جنگی جرائم میں ملوث ناجائزریاست کو گھٹنے ٹیکنے پرمجبور کرسکتے ہیں ۔

(جاری ہے)

ذمے داران سیاسی رہنمائوں،علمائے وسول سوسائٹی سے رابطے تیز جبکہ علماء مشائخ اپنے خطاب جمعہ اورکارکنان ھڑتال کوکامیاب بنانے کے لیے اپنا بھرپور کردار ادا کریں۔

انہوں نے آج ایک بیان میں کہاکہ سندھ سمیت ملک بھر کی تاجر برادری، چیمبرز آف کامرس اینڈ انڈسٹری فلسطینی قیادت کی کال پر پوری دٴْنیا کی طرح 22 اپریل کو ایک دِن ہڑتال کریں۔ان شاء اللہ اس کے نتیجے میں دشمن پسپہ اوراہل غزہ کو حوصلہ ملے گا۔کراچی لاہور سمیت ملک بھرمیں فلسطینیوں کے حق میں ہونے والے مارچ ریلیوں میں عوام کی بھرپور شرکت نہ صرف اہل غزہ کے مظلوم مسلمانوں سے محبت اور اسرائیلی صہیونی ناجائز انسان دشمن جنگی مجرموں کے خلاف شدید نفرت کا اظہار ہے بلکہ یہ بھی ثابت کیاہے کہ بھلے حکمران غیروں کے غلام اورسامراج کے ایجنٹ کاکردار ادا کریں مگرپاکستان سمیت پوری امت مسلمہ کے دل اپنے فلسطینی بھائیوں کے ساتھ دھڑکتے ہیں۔

جماعت اسلامی سرزمین انبیاء فلسطین کی آزادی تک جدوجہد وحمایت جاری رکھے گی۔