ماہ میں ایک لاکھ72ہزار 144پاکستانی ملازمت کی غرض سے بیرون ملک گئے

منگل 15 اپریل 2025 21:51

لاہور(اُردو پوائنٹ اخبارتازہ ترین - این این آئی۔ 15 اپریل2025ء)رواں سال کے پہلے 3ماہ میں ایک لاکھ72ہزار 144پاکستانی ملازمت کی غرض سے بیرون ملک گئے ،سب سے زیادہ 99ہزار 139پاکستانی مزدوربیرون ملک گئے،ایک ہزار 859مستری، 38ہزار 274ڈرائیورز اور ایک ہزار 689باورچی بیرون ملک گئے۔

(جاری ہے)

بیورو آف امیگریشن کی رپورٹ کے مطابق رواں سال کے پہلے 3ماہ میں 849ڈاکٹرز ملازمت کی غرض سے بیرون ملک گئے، اس کے علاوہ ایک ہزار 479انجینئرز، 390نرسز ،3474ٹیکنیشن اور1058ویلڈرز بھی بیرون ملک گئے۔

بیورو آف امیگریشن کی رپورٹ کے مطابق 2130الیکٹریشن اور 436ٹیچرز نے بھی ملازمت کی غرض سے بیرون ممالک کا رخ کیا۔ سب سے زیادہ ایک لاکھ 21ہزار 970پاکستانی سعودی عرب گئے جبکہ 6ہزار 891افراد یو اے ای، 8ہزار 331عمان، 12ہزار 989قطر، 939 بحرین،775ملائیشیا، 592چین، 350آذربائیجان،264جرمنی اور 815پاکستانی یونان گئے۔رپورٹ کے مطابق 108پاکستانی جاپان، 109اٹلی، 870ترکیہ، ایک ہزار454برطانیہ اور 257پاکستانی امریکہ گئے۔