2025ء کے پہلے 3ماہ میں ایک لاکھ72ہزار 144پاکستانی ملازمت کی غرض سے بیرون ملک گئے

منگل 15 اپریل 2025 21:00

اسلام آباد (اُردو پوائنٹ اخبارتازہ ترین - این این آئی۔ 15 اپریل2025ء) بیورو آف امیگریشن نے بیرون ملک جانے والے پاکستانیوں سے متعلق اعداد و شمار جاری کردیئے۔ جاری رپورٹ کے مطابق رواں سال پہلے 3ماہ میں ایک لاکھ72ہزار 144پاکستانی ملازمت کی غرض سے بیرون ملک گئے اور سب سے زیادہ 99ہزار 139پاکستانی مزدوربیرون ملک گئے۔رپورٹ کے مطابق ایک ہزار 859 مستری، 38 ہزار 274 ڈرائیورز اور ایک ہزار 689 باورچی بیرون ملک گئے۔

(جاری ہے)

رواں سال کے پہلے 3ماہ میں 849ڈاکٹرز ملازمت کی غرض سے بیرون ملک گئے، اس کے علاوہ ایک ہزار 479انجینئرز، 390نرسز ،3474ٹیکنیشن اور1058ویلڈرز بھی بیرون ملک گئے۔رپورٹ کے مطابق 2130الیکٹریشن اور 436ٹیچرز نے بھی ملازمت کی غرض سے بیرون ممالک کا رخ کیا۔رپورٹ کے مطابق سب سے زیادہ ایک لاکھ 21ہزار 970 پاکستانی سعودی عرب گئے جبکہ 6ہزار 891افراد یو اے ای، 8ہزار 331عمان، 12ہزار 989قطر، 939بحرین،775ملائیشیا، 592 چین، 350آذربائیجان،264جرمنی اور 815پاکستانی یونان گئے۔رپورٹ کے مطابق 108پاکستانی جاپان، 109اٹلی، 870 ترکیہ، ایک ہزار454برطانیہ اور 257پاکستانی امریکہ گئے۔