مویشی دوست منڈی قربانی کے جانوروں کی آمد کا چھٹا روز

کراچی (اُردو پوائنٹ اخبارتازہ ترین - این این آئی۔ 16 اپریل2025ء)مویشی دوست منڈی قربانی کے جانوروں کی آمد کا چھٹا روز ،نادرن بائی پاس مویشی منڈی 19 اپریل سے باقاعدہ فنکشل کردی جائے گی،18 اپریل کو ایڈمنسٹریٹر مویشی منڈی شہاب خان میڈیا بریفنگ دیں گے،کراچی کے علاقے گڈاپ،کندھ کوٹ،شیخوپورہ سے جانورلائے جاچکے ہیں انتظامیہ کی جانب سے پہلے پہنچنے والے قربانی کے جانوروں کو ہرمکمن سہولیات فراہم کی جارہی ہیں،بیوپاریوں جانوروں کا چارہ ساتھ لانے کی اجازت دی جارہی ہے،مویشی منڈی میں اس وقت دوسو سے زائد ساہیوال،گلابی،سندھ نسل کے گائے ،بیل ،بکرے مویشی منڈی لائے جاچکے ہیں، مویشی دوست منڈی 2025 میں جانوروں کی خرید و فروخت کے لیے ٹوکن سسٹم متعارف کرایا گیا ہے جس سے خریدار کا جانور محفوظ، خریداری کا عمل مزید آسان ہوگا،خریدار اپنا ٹوکن دکھا کر جانور کو بآسانی منڈی سے باہر لے جاسکتے ہیں ،منڈی میں پہلی بار اے ٹی ایم مشین کی سہولت فراہم کر دی گئی جبکہ خریداروں کیلئے پارکنگ فیس میں 50 فیصد بڑی رعایت دی گئی ہے ،بیوپاریوں کو جنرل بلاکس میں ذاتی ٹینٹ لانے کی اجازت ہے، وی وی آئی پی بلاکس میں ٹینٹ پر انتظامیہ کی جانب سے ڈسکانٹ فراہم کیا گیا ہے، معیاری ٹینٹ نہ ہونے کی صورت میں رعایتی نرخوں پر دستیابی ممکن ہے، منڈی کے تمام بلاکس میں سہولیات کو جدید خطوط پر استوارکیا گیا ہے،ایڈمنسٹریٹر شہاب خان کا کہنا ہے کہ خریداروں اور بیوپاریوں کے لیے بہتر سیکیورٹی اور سہولتیں میسرہوگی،ایڈمنسٹریٹر مویشی منڈی نے بیوپاریوں کو اپنے مکمل تعاون کی یقین دہانی کرائی ہے ،خوبصورت رنگ و نسل کے جانور شہریوں کی توجہ کا مرکزبنے ہوئے ہیں،مویشی منڈی آنے والے خریداروں نے منڈی کی سہولیات اور انتظامات پر اظہارِ اطمینان کا اظہار کیا ہے، مویشی دوست منڈی کا ماڈرن انتظامی نظام دیگر منڈیوں کے لیے مثال بنا ہوا ہے، سندھ اور پنجاب سے جانوروں کی آمد سے منڈی کی رونقیں بڑھنے لگی ہیں،خریداروں کے رش کے پیش نظر خصوصی پارکنگ زونز مختص کیے جاچکے ہیں،مویشی منڈی میں صفائی اور پانی کی سہولیات کا خاص خیال رکھا گیا ہے،مویشی منڈی کے داخلی اور خارجی راستوں پر سیکیورٹی اہلکار تعینات کیے جاچکے ہیں،مویشی دوست منڈی میں فیملیز کے لیے علیحدہ سہولتیں اور دھوپ سے بچنے کے لیے سائے دار جگہیں بھی قائم کی گئی ہیں، منڈی کے وی آئی پی بلاکس میں خریداروں کے لیے آرام دہ ماحول فراہم کیا گیا ہے