پنجاب میں (آج) سے تین روزہ پنجاب ثقافت دیہاڑ منایا جا رہا ہے‘ عظمی بخاری

عوام کیلئے الحمرا میں داخلہ مفت ہوگا ،پنجابی کلچر ڈے پروگرام کی مہمان خصوصی وزیراعلی مریم نواز ہونگی

بدھ 16 اپریل 2025 20:50

لاہور(اُردو پوائنٹ اخبارتازہ ترین - این این آئی۔ 16 اپریل2025ء)وزیر اطلاعات پنجاب عظمی بخاری نے کہا ہے کہ پنجاب میں آج ( جمعرات ) سے تین روزہ پنجاب ثقافت دیہاڑ منایا جا رہا ہے۔اپنے ویڈیو پیغام میں عظمی بخاری نے کہا کہ پنجابی کلچر ڈے پروگرام کی مہمان خصوصی وزیراعلی مریم نواز ہوں گی اورتقریب سے خطاب کریں گی، الحمر لاہور میں تین روزہ پنجابی کلچر پروگرام منعقد کیا جا رہا ہے۔

(جاری ہے)

انہوں نے کہا کہ پنجابی کلچر پروگرام میں مختلف پنجابی کلچر کے پروگرام منعقد کیے جا رہے ہیں، الحمر اء کو پنجاب کی ثقافت کے رنگوں میں رنگ دیا گیا ہے، پنجابی کلچر پروگرام میں پنجاب کے روایتی کلچر کو فروغ دیا گیا ہے۔وزیر اطلاعات عظمی بخاری نے کہا کہ پنجاب کے کلچر کی تمام روایات کا عملی نمونہ پیش کیا گیا ہے، تین روزہ کلچر پروگرام میں عوام کی فری انٹری ہوگی، پنجابی کلچر پروگرام میں شرکت کرنے والے شہری الحمرا کی ویب سائٹ پر اپنی رجسٹریشن کر سکتے ہیں۔علاوہ ازیں عظمی بخاری کا مزید کہنا تھا کہ الحمر اء کی فیس بک اور دیگر پلیٹ فارم پر بھی رجسٹریشن کروانے کی سہولت موجود ہے۔