موٹروے پولیس انسپکٹر منصور اصغر شہید کی نماز جنازہ ان کے آبائی شہر فیصل آباد میں ادا کر دی گئی

بدھ 16 اپریل 2025 23:30

لاہور (اُردو پوائنٹ اخبارتازہ ترین - اے پی پی۔ 16 اپریل2025ء) موٹروے پولیس انسپکٹر منصور اصغر شہید کی نماز جنازہ ان کے آبائی شہر فیصل آباد میں ادا کر دی گئی ۔

(جاری ہے)

ترجمان موٹروے پولیس کے مطابق موٹروے پولیس انسپکٹر منصور اصغر شہید کی نماز جنازہ میں آئی جی موٹرویز بی اے ناصر ، ایڈیشنل آئی جی سعد اختر بھروانہ اور ڈی آئی جی دار علی خٹک سمیت بڑی تعداد میں پولیس افسران اور ملازمین شریک ہوئے۔

موٹروے پولیس کے چاک و چوبند دستے نے شہید کے جسد خاکی کو سلامی پیش کی۔آئی جی بی اے ناصر نے شہید کے بچوں کے ساتھ وقت گزارہ اور اظہار ہمدردی کیا۔انہوں نے کہا کہ شہید انسپکٹر منصور اصغر ایماندار اور پیشہ ور پولیس آفیسر تھے،ان کی قربانی ہمیشہ یاد رکھی جائے گی۔ترجمان کے مطابق منصور اصغر موٹروے ایم 4امین پور کے قریب دوران ڈیوٹی گاڑی کی ٹکر لگنے سے شہید ہوئے تھے۔