سابق گورنرسندھ کی اوور سیز پاکستانیوں کے کامیاب کنونشن اور چیف آف آرمی اسٹاف کے تاریخی خطاب پر مبارکباد

کنونشن میں موجوداوورسیز پاکستانیوں نے آرمی چیف کے پر اثر خطاب اور انکے ویژن کی بھرپور تعریف کی اور اس کنونشن کو پاکستانی کمیونٹی کے لئے خوش آئند اور حوصلہ افزا قرار دیا، ڈاکٹر عشرت العباد خان

جمعرات 17 اپریل 2025 15:13

سابق گورنرسندھ کی اوور سیز پاکستانیوں کے کامیاب کنونشن اور چیف آف آرمی ..

کراچی(اُردو پوائنٹ اخبارتازہ ترین - این این آئی۔ 17 اپریل2025ء)سابق گورنر سندھ اور ایم پی پی کے سربراہ ڈاکٹر عشرت العباد خان نے اوور سیز پاکستانیوں کے کامیاب کنونشن اور چیف آف آرمی اسٹاف کے تاریخی خطاب پر حکومت پاکستان اور چیف آف آرمی اسٹاف جنرل عاصم منیر کو مبارکباد پیش کرتے ہوئے کہا ہے کہ انکی کنونشن میں موجود جس بھی اوورسیز پاکستانی سے بات ہوئی اس نے آرمی چیف کے پر اثر خطاب اور انکے ویژن کی بھرپور تعریف کی اور اس کنونشن کو پاکستانی کمیونٹی کے لئے خوش آئند اور حوصلہ افزا قرار دیا۔

انہون نے کہا کہ دنیا بھر میں پاکستانی اپنے وطن کا حقیقی سفیر ہے جو اپنی مثبت سوچ اور جزبے سے پاکستان کا نام روشن کر رہا ہے۔ بیرون ملک پاکستانی وطن عزیز کی عزت و وقار کی سربلندی کے لئے بھرپورکردار کر رہے ہیں۔

(جاری ہے)

محنت،محبت اور مختلف بر اعظموں میں خدمات ہی ہمارے قومی تشخص کی اصل طاقت ہیں۔ ہم سب متحد ہو کر ایک مضبوط پرامن اور ترقی یافتہ پاکستان کی تعمیر میں مصروف عمل ہیں۔

ایک نظریہ ایک آواز ایک قوم کوئی بھی مخالف قوت نہ ہمارے عوام کو کمزور کرسکتی ہے اور نہ ہمارے اتحاد کی روشنی کو مدہم، پاکستان مضبوط اور ناقابل شکست ہے اور وقار کے ساتھ آگے بڑھ رہا ہے۔ ڈاکٹر عشرت العباد خان نے کہا کہ ہمارا ویژن بھی پاکستان کی تعمیر و ترقی اور ایک قوم بنکر میری پہچان پاکستان۔ پاکستان میری جان میری آن میری شان ہے۔