سونے کی قیمت میں 2,000 روپے اضافہ ،فی تولہ سونا 3 لاکھ 50 ہزار روپے ہو گیا

جمعرات 17 اپریل 2025 17:21

اسلام آباد (اُردو پوائنٹ اخبارتازہ ترین - اے پی پی۔ 17 اپریل2025ء) ملک بھر میں سونے کی قیمت میں 2,000 روپے اضافے کے ساتھ فی تولہ سونا 3 لاکھ 50 ہزار روپے کا ہوگیا ۔

(جاری ہے)

آل پاکستان جیمز اینڈ جیولرز ایسوسی ایشن کے مطابق جمعرات کو سونے کی فی تولہ قیمت میں 2,000 روپے اضافے کے بعد فی تولہ سونا 3 لاکھ 50 ہزار روپے کا ہوگیا ہے جبکہ 24 قیراط سونے کے 10 گرام کی قیمت بھی 1,715 روپے اضافے کے بعد 298,353 روپے سے بڑھ کر 300,068 روپے ہوگئی، 10 گرام 22 قیراط سونے کی قیمت 273,500 روپے سے بڑھ کر 275,072 روپے ہوگئی۔

آل سندھ صرافہ جیولرز ایسوسی ایشن نے رپورٹ کیا کہ فی تولہ چاندی کی قیمت 59 روپے کمی کے بعد 3,401 اور دس گرام چاندی کی قیمت 51 روپے کمی کے بعد 2,915 رہی۔ ایسوسی ایشن نے رپورٹ کیا کہ بین الاقوامی مارکیٹ میں سونے کی قیمت 3,310 ڈالر سے بڑھ کر 3,329 ڈالر ہو گئی۔