پنجاب یونیورسٹی، کراپ ڈیفنڈرزکینیڈا کے درمیان زرعی تحقیق کو فروغ دینے کا معاہدہ

جمعرات 17 اپریل 2025 22:55

لاہور (اُردو پوائنٹ اخبارتازہ ترین - آن لائن۔ 17 اپریل2025ء) پنجاب یونیورسٹی فیکلٹی آف ایگریکلچرل سائنسز اور کراپ ڈیفنڈرز لمیٹڈ کینیڈاکے درمیان زرعی تحقیق کو فروغ دینے کا معاہدہ طے پا گیا۔ اس سلسلے میںمفاہمتی یاداشت پر دستخط کی تقریب وائس چانسلر پنجاب یونیورسٹی آفس کے کمیٹی روم میں منعقد ہوئی ۔ اس موقع پر وائس چانسلر پروفیسر ڈاکٹر محمد علی، ڈین فیکلٹی آف ایگریکلچرل سائنسز پروفیسر ڈاکٹر محمد سلیم حیدر، چیئر مین ڈیپارٹمنٹ آف اینٹامولوجی پروفیسر ڈاکٹر شہباز احمد، فوکل پرسن کراپ ڈیفنڈرز (کینیڈا) ڈاکٹر مجاہد منظور (اینٹامولوجسٹ)، ڈائریکٹر ایکسٹرنل لنکجز پروفیسر ڈاکٹر یامینہ سلمان ،جاوید انور (سی ڈی ایل فنانشل افیئرز)و دیگرنے شرکت کی۔

معاہدے کے مطابق، کراپ ڈیفنڈرز پنجاب یونیورسٹی فیکلٹی آف ایگریکلچرل سائنسز کے طلباء کو ان کی تحقیق کے انعقاد اور اشاعت میں معاونت کرے گی ۔

(جاری ہے)

کراپ ڈیفنڈرزکے پیشہ ور افراد متعلقہ ورکشاپس، قومی اور بین الاقوامی کانفرنسوں میں شرکت کریں گے جن میں اینٹومولوجیکل/بائیولوجیکل ریسرچ شامل ہے۔ سمپوزیا، ورکشاپس اور سرحدوں کے پار بین الاقوامی کانفرنسز میں سرکردہ ماہرین سمیت محققین کے ساتھ نیٹ ورکنگ کی سہولت سے مستقبل کی تحقیق اور فنڈنگ کے دروازے کھلیں گے۔ اس اقدام کا مقصد پیشہ ورانہ ترقی کی حمایت کرنا، تعاون کو فروغ دینا اور تحقیق کے مواقعوں کو بڑھانا ہے۔