نائب وزیراعظم محمد اسحاق ڈار کی دعوت پر جمہوریہ روانڈا کے خارجہ امور کے وزیر21 سے 22 اپریل تک پاکستان کا دورہ کریں گے، ترجمان دفتر خارجہ

جمعہ 18 اپریل 2025 20:30

اسلام آباد (اُردو پوائنٹ اخبارتازہ ترین - اے پی پی۔ 18 اپریل2025ء) نائب وزیراعظم اور وزیر خارجہ سینیٹر محمد اسحاق ڈار کی دعوت پر جمہوریہ روانڈا کے خارجہ امور اور بین الاقوامی تعاون کے وزیر اولیور جے پی ندوہنگرے 21 سے 22 اپریل تک پاکستان کا دورہ کریں گے۔

(جاری ہے)

دفتر خارجہ کے ترجمان شفقت علی خان نے جمعہ کو یہاں پریس بریفنگ میں کہا کہ دورے کے دوران وزیر خارجہ ندوہونگیرے نائب وزیر اعظم سے ملاقات کریں گے۔ انہوں نے کہا کہ وزیر اعظم اور چیئرمین سینیٹ سے ملاقات کے علاوہ روانڈا کے وزیر خارجہ اہم وفاقی وزراء سے بھی ملاقاتیں کریں گے۔ ترجمان نے کہا کہ وزیر خارجہ اسلام آباد میں جمہوریہ روانڈا کے ہائی کمیشن کا باضابطہ افتتاح بھی کریں گے۔