مودی حکومت کی طرف سے کشمیریوں کی املاک ضبط کرنے کا سلسلہ جاری

ہفتہ 19 اپریل 2025 17:39

سرینگر (اُردو پوائنٹ اخبارتازہ ترین - اے پی پی۔ 19 اپریل2025ء) بھارتی حکومت نے کشمیریوں کی املاک ضبط کرنے کا سلسلہ جاری رکھتے ہوئے ضلع بڈگام میں ایک شخص کی گاڑی جبکہ سرینگر میں ایک شہری کی موٹر سائیکل ضبط کر لی۔

(جاری ہے)

کشمیرمیڈیاسروس کے مطابق بھارتی پولیس نے بڈ گام کے علاقے کانٹھ باغ کرالپورہ کے رہائشی مدثر احمد راتھر کی ٹویوٹا ایس یو وی گاڑی جبکہ سرینگر کے علاقے خانیار کے رہائشی فہد بشیر صدیقی کی موٹر سائیکل غیر قانونی سرگرمیوں کی روک تھام کے کالے قانون ''یو اے پی اے'' کے تحت ضبط کر لیں۔

پولیس کا کہنا ہے کہ مدثر احمد اور فہد بشیر کی گاڑی اور موٹر سائیکل انکی آزادی پسند سرگرمیوں کی پاداش میں ضبط کی گئیں۔مودی حکومت نے اگست 2019میں مقبوضہ جموںکشمیر کی خصوصی حیثیت ختم کرنے کے بعد کشمیریوں کے گھروں ، زمینوں اور دیگر املاک پر قبضے کا مذموم سلسلہ تیز کردیا جسکا مقصد انہیں معاشی طور پر مفلوک الحال بنانا اور خوفزدہ کر کے تحریک آزادی سے دور رہنے پر مجبور کرنا ہے۔