وزیر اعلی علی امین گنڈا پور کو جو ٹاسک اسلام آباد سے ملتا ہے وہ اچھے بچوں کی طرح کرتے ہیں ،فیصل کریم کنڈی

پشاور(اُردو پوائنٹ اخبارتازہ ترین - این این آئی۔ 19 اپریل2025ء)گورنر خیبر پختونخوا فیصل کریم کنڈی نے کہا ہے کہ وزیر اعلی علی امین گنڈا پور کو جو ٹاسک اسلام آباد سے ملتا ہے وہ اچھے بچوں کی طرح کرتے ہیں ،مائنز منرل بل پاس کرنا ہوگا یا پھر وزیراعلی نے نوکری کرنی ہوگی،صوبے کے تمام اداروں، وزراء کرپشن میں ملوث ہیں ،اگر کوئی ادارہ خاموش ہے تو وہ نیب ہے،صوبے میں کرپشن ہو رہی ہے،پی ٹی آئی کے لوگ ایک دوسرے پر کرپشن کے الزامات لگا رہے ہیں۔

(جاری ہے)

گورنرخیبرپختونخوا فیصل کریم کنڈی نے پشاور میں میڈیا سے گفتگو میں کہا کہ پی ٹی آئی این آر او کے لئے لوگوں کے پاؤں پڑ رہی ہے، صوبہ کے پیسوں کے ساتھ نا انصافی ہو رہی ہے، جب میں گورنر نہیں تھا تب بھی کہتا تھا کہ اس صوبہ میں کرپشن کی جا رہی ہے،یہاں نوکریاں بیچی جا رہی ہیں،وزیراعلیٰ کے پی ٹیکس کے پیسے جلسے جلوسوں میں اڑا دیے ہیں ،پی ٹی آئی کے وزراء ایک دوسرے پر الزام لگا رہے ہیں اور نیب خاموش ہے،،مائنز اینڈ منرلز بل کے بارے میں کھبی نہیں بولا کے پاس ہوجائے ،وزیراعلیٰ کے پی اچھے بچے کی طرح مان جاتے ہیں،وزیراعلیٰ کے پی بل پر دیگر جماعتوں کے ساتھ بیٹھ کر بات چیت کریں،وزیراعلی یا نوکری کریں گے یا بل پاس کریں گے،،لاہور میں ہمارے صوبے کے پیسے عیاشیوں اڑائے جا رہے ہیں،اس صوبے میں امن و امان کی صورتحال خراب ہے،،علی امین گنڈاپور خود کہہ رہے ہیں کہ ان کیسابق وزرائ چور ہیں،،یہ اپنے آپ پر الزمات لگا رہے ہیں لیکن نیب اور ایف آئی اے خاموش ہیں،،اعظم سواتی نے قرآن پر ہاتھ لکھ کر کہا اسٹبلشمنٹ سے بات چیت کیلئے انہیں کہا گیا،آپ صوبے کی ترقی کیلئے افغانستان جاتے ہیں لیکن چائنہ کیوں نہیں جاتی نائب وزیراعظم افغانستان گئے ہیں، وہ وہاں یہ پوائنٹس ڈسکس کرلیں گے،میں نے ہمیشہ افسوس کیا ہے کہ وزیراعظم نے کھبی پشاور آنے کی تکلیف نہیں کی ،وزیراعظم بتادیں کہ کے پی کو پی ٹی آئی کو ٹھیکہ پر دیا ہے کیا وزیراعظم پشاور میں کسی حادثے کا انتظار کر رہے ہیں اور پھر آئیں گی وزیراعظم کو ایک بار پھر پشاور آنے کی دعوت دیتا ہوں ،وزیراعلیٰ کے پی کسی سے بات چیت نہ کرنے کی ہٹ دھرمی چھوڑ دیں ۔