دریائے سندھ پر کینالز منصوبے کے خلاف ببرلو بائی پاس پر وکلا کا دھرنا جاری

دوسرے روز بھی سندھ اور پنجاب کے درمیان ٹریفک کی آمد و رفت بند، دھرنے سے روڈ بلاک ہے جس تاجروں کا کروڑوں روپے کا نقصان ہو رہا ہے،ٹرانسپورٹر

ہفتہ 19 اپریل 2025 21:45

اوباڑو/کندھ کوٹ(اُردو پوائنٹ اخبارتازہ ترین - این این آئی۔ 19 اپریل2025ء)دریائے سندھ پر کینالز منصوبے کے خلاف ببرلو بائی پاس پر وکلا کا دھرنا جاری رہا۔ دوسرے روز بھی سندھ اور پنجاب کے درمیان ٹریفک کی آمد و رفت بند ہے جس کے باعث گاڑیوں کی لمبی قطاریں لگ گئیں۔ اوباڑو قومی شاہراہ اور کندھ کوٹ انڈس ہائی وے پر بھی دھرنے لگ گئے۔تفصیلات کے مطابق دریائے سندھ سے چھ کینالزنکالنے کے خلاف خیرپور ببرلو بائی پاس پر وکلا کا احتجاجی دھرنا دوسرے روز بھی جاری رہاجس کے باعث گاڑیوں کی لمبی قطاریں لگ گئیں۔

نیشنل ہائی وے پر ٹریفک کا نظام درہم برہم ہوگیا، گاڑیوں کے لمبی قطاریں لگنے سے مسافر رل گئے۔سینئر قانون دان سہیل میمن ایڈووکیٹ نے ببرلو دھرنے میں خصوصی گفتگو میں کہا کہ دریائے سندھ کے پانی کا مسئلہ زندگی اور موت کا مسئلہ ہے۔

(جاری ہے)

انہوں نے کہاکہ جب تک منصوبہ واپس نہیں لیا جائیگا احتجاج جاری رہے گا۔ احتجاجی مظاہرین نے پنڈال میں کینالز نامنصور کینعرے لگائے۔

ٓدھرنے کے باعث سندھ پنجاب کو ملانے والا نیشنل ہائی وے بند ہونے سے مسافر رل گئے۔ وکلا کا کہنا ہے کہ وفاق منصوبہ واپس لینے نوٹیفکیشن جاری کرے ہم دھرنا ختم کردیں گے۔دوسری جانب کندھ کوٹ، گھوٹکی، اوباڑو اور گمبٹ سمیت دیگر شہروں میں متنازع منصوبے کے خلاف احتجاج ریلیاں نکالی گئیں جس میں سڑکوں پر ٹریفک معطل ہونے سیشہریوں اور مسافروں کو شدید مشکلات کا سامنا کرنا پڑا ہے۔ادھر کشمور میں بھی سندھ پنجاب بارڈر دیرہ موڑ کے مقام پر دھرنا جاری ہے، دھرنے سے ٹریفک بلاک ہوگئی اور گاڑیوں کی لمبی قطاریں لگ جسے مسافروں کو پریشانی کو سامنا کرنا پڑا۔ٹرانسپورٹر نے کہا دھرنے سے روڈ بلاک ہے جس تاجروں کا کروڑوں روپے کا نقصان ہو رہا ہے۔