غیر قانونی مقیم غیر ملکی باشندوں کے انخلا کی مہم تیزی سے جاری،آئی جی پنجاب

اتوار 20 اپریل 2025 11:50

لاہور (اُردو پوائنٹ اخبارتازہ ترین - اے پی پی۔ 20 اپریل2025ء) غیر قانونی مقیم غیر ملکی باشندوں کے انخلا کی مہم تیزی سے جاری ہے۔ترجمان پنجاب پولیس کے مطابق لاہور میں 5، صوبہ بھر میں 46ہولڈنگ سنٹرز قائم ہیں۔

(جاری ہے)

آئی جی پنجاب ڈاکٹر عثمان انور نے کہاہے کہ لاہور سمیت صوبہ بھر سے افغانیوں سمیت 11ہزار سے زائد غیر قانونی مقیم غیر ملکی باشندوں کو ڈی پورٹ کر دیا گیا، مہم کے دوران 11ہزار 879غیر قانونی مقیم باشندوں کو ہولڈنگ سنٹرز پہنچایا گیا،763غیر قانونی مقیم افراد ہولڈنگ پوائنٹس پر موجود ہیں۔

آئی جی پنجاب نے بتایاکہ بین الاقوامی قوانین کے تحت غیر قانونی مقیم باشندوں کے انخلا کی پالیسی پر عمل پیرا ہیں اور سکیورٹی ہائی الرٹ ہے ۔انہوں نے کہا کہ تمام غیر قانونی مقیم افراد کا انخلا یقینی بنائیں گے۔