اسپیکر خیبرپختونخوا اسمبلی پر کرپشن کا الزام، پی ٹی آئی کی احتساب کمیٹی میں اختلاف

اتوار 20 اپریل 2025 14:15

پشاور(اُردو پوائنٹ اخبارتازہ ترین - این این آئی۔ 20 اپریل2025ء)اسپیکر خیبرپختونخوا اسمبلی بابر سلیم سواتی کیخلاف بدعنوانی کے الزامات پر پاکستان تحریک انصاف (پی ٹی آئی) کی احتساب کمیٹی کے 2 ارکان کے فیصلے میں اختلاف پیدا ہوگیا۔قاضی انور نے بابر سلیم سواتی کو کلیئر قرار دیدیا تو مصدق عباسی نے قصور وار قرار دیا، اختلاف کے باعث تیسرے ممبر شاہ فرمان کو فیصلہ کرنے کا اختیار دے دیا گیا۔

(جاری ہے)

احتساب کمیٹی کے ممبر قاضی انور کی 7 صفحات پرمشتمل رپورٹ منظر عام پر آگئی، رپورٹ کے مطابق کمیٹی کے تیسرے رکن شاہ فرمان اسپیکر سے متعلق حتمی فیصلہ کریں گے۔یاد رہے کہ سینئر پی ٹی آئی رہنما اعظم سواتی نے اسپیکر صوبائی اسمبلی بابر سلیم سواتی پر غیر قانونی بھرتیوں، ترقیاتی کاموں میں بدعنوانی کے الزامات لگائے تھے۔پی ٹی آئی کی 3 رکنی احتساب کمیٹی نیانکوائری شروع کر رکھی تھی۔