سیاچن گلیشیئر پربھارتی فوج کے نائب صوبیدار کی پراسرار موت

پیر 21 اپریل 2025 13:44

سرینگر (اُردو پوائنٹ اخبارتازہ ترین - اے پی پی۔ 21 اپریل2025ء) بھارت کےغیرقانونی طورپر زیرتسلط جموں وکشمیرمیں دنیا کے بلند ترین میدان جنگ اور سرد ترین علاقے سیاچن گلیشیئرپر بھارتی فوج کے نائب صوبیدار کی پراسرار طور پر موت ہوگئی ہے۔

(جاری ہے)

کشمیر میڈیاسروس کے مطابق بھارتی فوج کے ایک سینئر افسر نے بتایاکہ نائب صوبیدار بلدیو سنگھ سیاچن گلیشیئر پر ڈیوٹی کے دوران دم توڑ گیا۔تاہم بھارتی فوج نے مذکورہ افسر کی موت کی اصل وجہ نہیں بتائی۔دریں اثناء ضلع ادھم پور میں چوپڑا شاپ کے قریب فوجیوں کو لے جانے والی گاڑی کنٹرول کھو کر گہری کھائی میں جاگری جس کے نتیجے میں 6 بھارتی فوجی زخمی ہو گئے۔