Live Updates

اسلام آباد یونائیٹڈ کی مسلسل چوتھی جیت، پوائنٹس ٹیبل میں سرفہرست آگئی

پیر 21 اپریل 2025 17:04

کراچی (اُردو پوائنٹ اخبارتازہ ترین - این این آئی۔ 21 اپریل2025ء)ایچ بی ایل پاکستان سپر لیگ(پی ایس ایل) 10 کے دسویں میچ میں دفاعی چیمپئن اسلام آباد یونائیٹڈ نے کراچی کنگز کو 6 وکٹوں سے با آسانی شکست دے دکر ایونٹ میں مسلسل چوتھی کامیابی حاصل کرلی۔کراچی کنگز نے پہلے کھیلتے ہوئے مقررہ 20 اوورز میں 7 وکٹوں کے نقصان پر 128 رنز بنائے۔اسلام آباد یونائیٹڈ نے 129 رنز کا ہدف 18 ویں اوور میں 4 وکٹوں کے نقصان پر پورا کرلیا اور ایونٹ میں مسلسل چوتھی کامیابی حاصل کرلی۔

پاکستان سپر لیگ کے رواں سیزن میں اب تک 10 میچز کھیلے جاچکے ہیں۔ اسلام آباد یونائیٹڈ 4 میچز کھیل کر تمام میں کامیابی حاصل کرتے ہوئے 8 پوائنٹس کے ساتھ ٹیبل پر پہلی پوزیشن پر ہے۔لاہور قلندرز نے اب تک 3 میچز کھیلے جس میں 2 میں کامیابی اور ایک میں اسے شکست ہوئی، قلندرز 4 پوائنٹس کے ساتھ دوسرے نمبر پر ہیں۔

(جاری ہے)

کراچی کنگز نے اب تک 4 میچز کھیلے ہیں جس میں اسے 2 میں جیت ملی اور 2 میں ہی اسے شکست کا مزہ چکھنا پڑا، وہ 4 پوائنٹس کے ساتھ تیسرے نمبر پر ہے۔

اس کے علاوہ کوئٹہ گلیڈی ایٹرز اور پشاور زلمی 3،3 میچز کھیل ایک کامیابی اور 2،2 پوائنٹس کے ساتھ بالتریب چوتھی اور پانچویں پوزیشن پر ہیں۔ملتان سلطانز کی ٹیم اب تک ایونٹ میں کوئی جیت حاصل نہیں کرسکی۔ اس نے 3 مچز کھیلے اور تمام میں ہی اسے شکست ہوئی۔واضح رہے کہ ٹاپ کی 4 ٹیمیں پلے آف کیلئے کوالیفائی کریں گی۔