اسلام آباد میںاسلامک یونیورسٹی کی طالبہ کو ہاسٹل میں گولیاں مار کر قتل کردیا گیا، مقدمہ درج

پیر 21 اپریل 2025 17:37

اسلام آباد (اُردو پوائنٹ اخبارتازہ ترین - این این آئی۔ 21 اپریل2025ء) وفاقی دارالحکومت اسلام آباد میں اسلامک یونیورسٹی کی طالبہ کوہاسٹل میں گولیاں مارکر قتل کردیا گیا، تھانہ رمنہ پولیس نے مقدمہ درج کر کے تحقیقات شروع کردیں۔

(جاری ہے)

میڈیا رپورٹ کے مطابق تھانہ رمنہ میں درج ایف آئی آر میں مقتولہ کے بھائی نے موقف اپنایا کہ اسلامک یونیورسٹی میں بہن کے قتل کا واقعہ گزشتہ روز سوا 12 پیش آیا۔

مقتولہ کے بھائی نے بتایا کہ نامعلوم نوجوان ہاسٹل میں داخل ہوا، میری بہن کمرے سے باہر آئی تو نامعلوم ملزم زبردستی کمرے میں داخل ہو گیا۔ایف آئی آر کے مطابق نوجوان نے بتایا کہ ملزم نے سب کو خاموش رہنے کا کہا اور اس کی بہن کو گولی ماری دی، 22سالہ طالبہ کو تین روم میٹس کی موجودگی میں گولیاں ماری گئیں جس کے باعث طالبہ موقع پر ہی جان کی بازی ہار گئی۔