بلاول بھٹو زرداری کلا پوپ فرانسس کے انتقال پر گہرے دکھ و افسوس کا اظہار

اسلام آباد (اُردو پوائنٹ اخبارتازہ ترین - این این آئی۔ 21 اپریل2025ء) پاکستان پیپلز پارٹی کے چیئرمین بلاول بھٹو زرداری نے پوپ فرانسس کے انتقال پر گہرے دکھ و افسوس کا اظہار کرتے ہوئے کہا ہے کہ پوپ فرانسس کا انتقال بین الاقوامی برادری، بین المذاہب ہم آہنگی اور انسانیت کے لیے بڑا نقصان ہے۔اپنے بیان میں انہوںنے کہاکہ پاکستان کی مسیحی برادری، ویٹی کن اور دنیا بھر میں پوپ فرانسس کے ماننے والوں کے غم میں برابر کا شریک ہوں۔

انہوںنے کہاکہ پاکستان سمیت دنیا بھر کی مسیحی برادری آج ایک عظیم روحانی رہنما سے محروم ہو گئی ہے۔ انہوںنے کہاکہ پوپ فرانسس کا انتقال بین الاقوامی برادری، بین المذاہب ہم آہنگی اور انسانیت کے لیے بڑا نقصان ہے۔ انہوںنے کہاکہ پوپ فرانسس ہمدردی، عاجزی اور امن کی علامت تھے۔

(جاری ہے)

بلاول بھٹو زرداری نے کہاکہ پوپ فرانسس کی انسانیت کے لیے خدمات نے انہیں کیتھولک دنیا سے کہیں بڑھ کر عالمی سطح پر عزت اور محبت دی۔

انہوںنے کہاکہ پوپ فرانسس کی غریبوں کی فلاح، مہاجرین کے حقوق اور مذاہب و ثقافتوں کے درمیان پٴْل بنانے کی جدوجہد قابل تحسین ہے۔انہوںنے کہاکہ مرحوم کی ابدی زندگی میں سکون اور پسماندگان کے لیے صبر جمیل کے لیے دعاگو ہوں۔دریں اثناء اپنے بیان میں سیکرٹری جنرل پیپپلز پارٹی پارلیمنٹرنز سید نیر بخاری نے پوپ فرانسس کے انتقال پر افسوس کا اظہار کرتے ہوئے کہاکہ پوپ فرانسس کے انتقال پر گہرے دکھ کا اظہار کرتا ہوں۔

انہوںنے کہاکہ پوپ فرانسس بین المذاہب ہم آہنگی اور امن کے علمبردار تھے۔ نیئر بخاری نے کہاکہ پوپ فرانسس کی خدمات کو یاد رکھا جائے گا ۔سیکرٹری جنرل پی پی پی پی نیرحسین بخاری نے آنجہانی پوپ کے بین المذاہب ہم آہنگی اور پرامن بقائے باہمی کے لئے کردار پر خراج تحسین پیش کیا ۔ اپنے بیان میں نائب صدر پیپلز پارٹی سینیٹر شیری رحمان نے عیسائیوں کے روحانی پیشوا پوپ فرانسس کے انتقال پر افسوس کا اظہار کرتے ہوئے کہاکہ پوپ فرانسس بین المذاہب ہم آہنگی کے علمبردار تھے ۔

انہوںنے کہاکہ پوپ فرانسس امن اور محبت کا پیغام دینے والے رہنما تھے ۔شیری رحمان نے کہاکہ پوپ فرانسس کے امن کے وڑن کو خراج تحسین پیش کرتی ہوں ۔ انہوںنے کہاکہ پوپ فرانسس کی دنیا کے لیے خدمات کو ہمیشہ یاد رکھا جائے گا ۔ اپنے بیان میں شازیہ مری نے عیسائیوں کے روحانی پیشواء پوپ فرانسس انتقال پر تعزیت کا اظہار کرتے ہوئے کہاکہ پوپ فرانسس کے انتقال سے دنیا ایک بڑی مذہبی طبقہ کے روحانی پیشواء سے محروم ہوگئی۔

شازیہ مری نے کہاکہ پاکستان سمیت دنیا بھر میں آباد مسیحی برادری سے تعلق رکھنے والے افراد کے دکھ میں برابر کے شریک ہیں، پوپ فرانسس دنیا میں انسانیت اور عدم تشدد کے خلاف ایک مضبوط آواز تھے۔ شازیہ مری نے کہاکہ پوپ فرانسس نے غزہ میں فوری جنگ بندی اور انسانی امداد کی فوری فراہمی پر بھی زور دیا۔ شازیہ مری نے کہاکہ پوپ فرانسس کی جانے سے دنیا ایک امن پسند اور عالمی جنگوں کے خلاف متحرک روحانی پیشواء سے محروم ہوگئی۔