ٹی ٹونٹی ورلڈ کپ ختم ہونے کے بعد کسی نے مجھ سے بات تک نہیں کی: محمد عامر

میں کائونٹی معاہدہ چھوڑ کر ورلڈ کپ کھیلنے آیا تھا ، جتنا میں ورلڈ کپ میں کھیلا اس دوران میرے پیسے ہی زیادہ لگے، میرے ٹرینر نے میرے ساتھ سفر کیا، اسکا سارا خرچ میں نے خود اٹھایا : فاسٹ باولر

ذیشان مہتاب منگل 22 اپریل 2025 11:08

ٹی ٹونٹی ورلڈ کپ ختم ہونے کے بعد کسی نے مجھ سے بات تک نہیں کی: محمد عامر

لاہور (اردو پوائنٹ تازہ ترین اخبار ۔ 22 اپریل 2025ء ) کوئٹہ گلیڈی ایٹرز کے فاسٹ بولر محمد عامر کا کہنا ہے کہ ٹی ٹونٹی ورلڈ کپ ختم ہونے کے بعد کسی نے مجھ سے بات ہی نہیں کی، کسی نے مجھے پلان کا نہیں بتایا اور عقل مند کے لیے اشارہ کافی ہوتا ہے ، جب میں پلان میں نہیں تو پھر میں نے اپنا تو سوچنا ہے اب میں نے سوچ لیا ہے کہ انٹرنیشنل کرکٹ سے تھینک یو ویری مچ ۔

لاہور میں جیو نیوز سے گفتگو کرتے ہوئے فاسٹ بولر محمد عامر نے کہا کہ ورلڈ کپ جب کھیلنے آیا تھا تو کاؤنٹی کا معاہدہ چھوڑ کر آیا تھا ، جتنا میں ورلڈ کپ میں کھیلا اس دوران میرے پیسے ہی زیادہ لگے ہیں، میرے ٹرینر نے میرے ساتھ سفر کیا اس کا سارا خرچ میں نے خود اٹھایا خیر وہ ایک الگ بات ہے۔

بابر اعظم کے بارے میں محمد عامر کہتے ہیں کہ بابر اعظم پاکستان کا بہترین کرکٹر ہے ، اس میں کوئی شک نہیں لیکن اس وقت اس کا بیڈ پیچ چل رہا ہے اور یہ کچھ زیادہ لمبا ہو گیا ہے ۔

(جاری ہے)

انہوں نے کہا کہ ہر کھلاڑی پر بیڈ پیچ آتا ہے ، جب بابر اس سے نکلے گا تو لمبے رنز کرے گا ، میں نے نوٹ کیا ہے کہ بابر اعظم بال پر کچھ لیٹ آ رہا ہے اور اس وجہ سے بابر اعظم شاٹ سلیکشن کے بارے میں فیصلہ نہیں کر پا رہا ۔

محمد عامر نے کہا کہ گراؤنڈ میں کسی سے یاری دوستی نہیں ہوتی اور نہ کوئی سینئر جونیئر نہیں ہوتا ہے، کوئی مجھے پہلی بال پر شاٹ مار دے میں تو میں اسے جا کر جپھی تو نہیں ڈال سکتا میں اسے کچھ جا کر بولوں گا ہی نا تاکہ اس کا فوکس ہٹے۔

انہوں نے کہا کہ ماضی میں خونخوار کرکٹ ہوا کرتا تھی ، سر ویوین رچرڈز ہمارے ساتھ ہیں ان سے اس بارے پوچھیں ، ماضی میں ایسے لگتا تھا کہ بلا گراونڈ میں مار دیں گے جارحانہ انداز اپنانا کرکٹ کی ایک خوبصورتی ہوتی تھی بیٹر کو ذہنی طور پر تنگ کرنا پڑتا ہے جس کی وجہ اس کا فوکس ہٹانا ہوتا ہے کسی کو ڈسٹرب کرنے کا مطلب کسی کو عزت نہ دینا نہیں ہے گراونڈ سے باہر ہم سب گپیں مار رہے ہوتے ہیں۔

محمد عامر کا ماننا ہے کہ کنٹرول میں رہ کر جارحانہ انداز اپنائیں ، اگر نامناسب زبان استعمال کرتا ہوں تو امپائر پکڑے گا ، میچ ریفری جرمانہ کرے گا اگر کوئی مجھے جرمانہ نہیں کر رہا تو اس کا مطلب میں کنٹرول جارحانہ انداز اپنا رہا ہوں ۔

محمد عامر نے کہا کہ ٹی ٹونٹی لیگ میں دو تین میچز سے نہ تو ٹیم کا اندازہ لگایا جا سکتا ہے نہ کسی کھلاڑی کی پرفارمنس کا ، میرا یہ ماننا ہے کہ لیگ کے دس میچز میں سے تین چار میچز ہی بہت اچھے جاتے ہیں دو تین درمیانے ہوتے ہیں اوردو تین میچز خراب ہوتے ہی ہیں یہ ٹی ٹونٹی کرکٹ کا حسن ہے ۔

انہوں نے کہا کہ کوئٹہ گلیڈی ایٹرز کی ٹیم متوازن ہے تمام شعبے مکمل ہیں ، مارک چیپمین کے آنے سے مڈل آرڈر مزید متوازن ہو گا بیٹنگ میں تھوڑا مسئلہ آیا ہے چھ اوورز میں وکٹیں دے دیتے رہے ہیں باولنگ میں ہماری بہترین کارکردگی ہے ہم باولنگ میں مزید اچھا کرسکتے ہیں۔

کوئٹہ گلیڈی ایٹرز نے اب لاہور میں ڈیرے دال رکھے ہیں اس بارے میں محمد عامر کا کہنا ہے کہ لاہور کا کراؤڈ بہت مزے کا ہے بہت شور کرتا ہے، لاہوریوں کی خوبصورتی ہے کہ دونوں ٹیموں کو سپورٹ کرتے ہیں۔

فاسٹ بولر نے کہا کہ لاہور کی کنڈیشنز ہمیں راس آئیں گی ، اگر پچز بیٹنگ ہوں گی تو ہماری بیٹنگ رنز کرنے کی صلاحیت رکھتی ہے ،عثمان طارق اسی ہفتے اُمید ہے کہ باولنگ ٹیسٹ بھی کلیئر کریں گے تو ان کے آنے سے بہتر ہوجائے گا ۔