رواں ہفتے بڑی فلمیں تھیٹراور او ٹی ٹی پر ریلیز ہوں گی

رواں ہفتے بہت سی ہالی ووڈ اور بالی ووڈ فلمیں سنسنی اور ایکشن تھرلر ایڈونچر پیش کریں گی

منگل 22 اپریل 2025 12:40

ممبئی (اُردو پوائنٹ اخبارتازہ ترین - این این آئی۔ 22 اپریل2025ء)اس ہفتے کی نئی ریلیزز میں کئی بالی ووڈ اور ہالی ووڈ فلمیں شامل ہیں جو فلمی شائقین کو سنسنی خیز اور ایکشن تھرلر کا ایڈونچر پیش کریں گی۔ ناظرین چاہے رومانی ڈراموں کے شوقین ہوں یا سنسنی خیز ایکشن کے، اس ہفتے کی ریلیزز سب کے لیے کچھ نہ کچھ پیش کرتی ہیں۔ کونسی سی فلمیں کب ریلیز ہوں گی آئیے ایک نظر ڈالتے ہیں۔

گرائونڈ زیرو( 25 اپریل)عمران ہاشمی کی فلم گرانڈ زیرو رواں ہفتے سنیما گھروں کی زینت بنی گی جس میں وہ BSF آفیسر دوبے کا کردار نبھاتے نظر آئیں گے جو 2001 کے پارلیمنٹ حملے کے بعد بھارت کی سب سے بڑی انسداد دہشت گردی کارروائی کی قیادت کرتا ہے۔دی اکانٹنٹ 2 (25 اپریل)ہالی ووڈ کے مشہور اداکار بین ایفلیک اپنی فلم دی اکانٹنٹ کے سیکوئل میں مرکزی کردار میں دکھائی دیں گے جو اپنے بھائی کے ساتھ مل کر قاتلوں کے گروہ کی تلاش کرتا ہے۔

(جاری ہے)

L2ایمپوران (24 اپریل)تھیٹر پر شاندار کامیابی کے بعد یہ فلم اپنی او ٹی ٹی ریلیز کیلئے تیار ہے جس میں موہن لال ایک دوہری زندگی گزارنے والے مجرمانہ نیٹ ورک کے سربراہ کے طور پر دکھائیں دیں گے۔جیول تھیف (25 اپریل، نیٹ فلکس)اس فلم میں بالی ووڈ کے نواب سیف علی خان ایک نایاب ہیرے کی چوری کے مشن پر نکلیں گے اور ان کی یہ فلم ایکشن سے بھرپور مناظر پیش کرے گی۔

یو سیزن 5 (25 اپریل، نیٹ فلکس)اس کرائم تھرلر ویب سیریز کے نئے سیزن میں جو گولڈ برگ کے محبت اور قتل کے مسلسل جنون کی کہانی کا اگلا حصہ پیش کیا جائے گا۔ہیوک (25 اپریل، نیٹ فلکس)ہالی ووڈ اسٹار ٹام ہارڈی اپنی اس ایکشن تھرلر فلم میں برائی سے بھرپور دنیا کا سامنا کرتے دکھائی دیں گے۔سپربوائز آف مالیگاں (25 اپریل، پرائم ویڈیو) یہ مالیگاں کے پس منظر میں بننے والی ایک بہترین فلم ہے جس میں دوستی، جدوجہد اور جذبہ دکھایا گیا ہے۔