ملک بھر میں قائم 11 حاجی کیمپوں میں حج ویکسین کے فراہمی شروع

عازمین حج دیے گئے شیڈول کے مطابق حاجی کیمپ تشریف لائیں،ویکسین لگوا کر حکومت کا جاری کردہ پیلا کارڈ ضرور حاصل کریں، ترجمان مذہبی امور

منگل 22 اپریل 2025 20:45

اسلام آباد (اُردو پوائنٹ اخبارتازہ ترین - این این آئی۔ 22 اپریل2025ء)ترجمان مذہبی امور نے کہاہے کہ ملک بھر میں قائم 11 حاجی کیمپوں میں حج ویکسین کے فراہمی شروع ہوگئی ۔

(جاری ہے)

وزیر مذہبی امور سردار محمد یوسف کی خصوصی کاوش سے ڈی ایچ کیو مظفر آباد، ایبٹ آباد اور ڈی آئی خان سے ویکسین کی فراہمی کا انتظام کیا گیا ،گیارہ حاجی کیمپوں میں ادویات کی پیکنگ اور تحائف کی تقسیم بھی شروع ہوگئی ،عازمین حج کو گردن توڑ بخار، فلو اور پولیو سے بچاؤ کی ویکسین فراہم کی جا رہی ہے ۔

ترجمان مذہبی امور نے بتایاکہ عازمین حج دیے گئے شیڈول کے مطابق حاجی کیمپ تشریف لائیں،ویکسین لگوا کر حکومت کا جاری کردہ پیلا کارڈ ضرور حاصل کریں۔ ترجمان مذہبی امور نے کہاکہ 65 سال سے زائد عازمین کرام کیلئے کرونا ویکسین کا خصوصی بندوبست کیا گیا ہے۔