Live Updates

بھارتی لیڈر شپ کو ہوش کے ناخن لینے چاہئیں الزام تراشی اور بہتان لگانا کسی گورنمنٹ کو زیب نہیں دیتا، سعد رفیق

بھارت نے سندھ طاس معاہدے کو چھیڑ کر خطے میں کشیدگی کو ہوا دی ہے، بھارت کے پاس اگر کوئی ثبوت ہے توپیش کرے،سندھ طاس معاہدے میں واضح لکھا ہے کوئی ایک فریق یکطرفہ فیصلہ نہیں کرسکتا، رہنماء ن لیگ کی میڈیا سے گفتگو

فیصل علوی جمعرات 24 اپریل 2025 14:50

بھارتی لیڈر شپ کو ہوش کے ناخن لینے چاہئیں الزام تراشی اور بہتان لگانا ..

لاہور(اردوپوائنٹ اخبار تازہ ترین۔24اپریل 2025)پاکستان مسلم لیگ ن کے سینئر رہنماء خواجہ سعد رفیق کا کہنا ہے کہ بھارتی لیڈر شپ کو ہوش کے ناخن لینے چاہئیں الزام تراشی اور بہتان لگانا کسی گورنمنٹ کو زیب نہیں دیتا، بھارت نے سندھ طاس معاہدے کو چھیڑ کر خطے میں کشیدگی کو ہوا دی ہے، بھارتی اقدامات غیر دانشمندانہ ہیں،لاہور میں میڈیا سے گفتگو کرتے ہوئے رہنماء ن لیگ نے کہا کہ بھارت کے پاس اگر کوئی ثبوت ہے توپیش کرے۔

بدقسمتی سے بھارتی گورنمنٹ دہشتگردی کے واقعات کا الزام ہمیشہ پاکستان پر لگاتی ہے۔ سندھ طاس معاہدے میں واضح لکھا ہے کوئی ایک فریق یکطرفہ فیصلہ نہیں کرسکتا۔ پاکستان نے پہلگام واقعہ کی مذمت کی ہے،۔چند دن پہلے جعفرایکسپریس واقعہ ہوا تو ہندوستان نے مذمت میں ایک لفظ بھی نہیں بولا۔

(جاری ہے)

انہوں نے کہا کہ بھارت کی طویل عرصے سے کوشش تھی کہ سندھ طاس معاہدے کو منسوخ کر دے۔

سندھ طاس معاہدے میں واضح لکھا ہے کوئی ایک فریق یکطرفہ فیصلہ نہیں کرسکتا۔ پاکستان کسی دہشتگردی کی کارروائی کی حمایت نہیں کرتا۔ پاکستان نے دہشتگردی کے خاتمے کیلئے بہت قیمت ادا کی ہے۔بھارت پاکستان سے بڑا ملک ہے۔ خطے میں امن اس کے اپنے مفاد میں ہے۔ بھارتی لیڈر شپ کو ہوش کے ناخن لینے چاہئیں۔ عالمی امن کیلئے ایسے اقدامات خطرہ بن سکتے ہیں۔

رہنماءن لیگ خواجہ سعد رفیق کا میڈیا سے گفتگو کرتے ہوئے مزید کہنا تھا کہ پاکستان کا بھارت میں بدامنی کا کوئی ارادہ نہیں، پاکستان کو بھارتی سائیڈ سے مسلسل نشانہ بنایا گیا ہے۔کلبھوشن کی گرفتاری پاکستان میں بھارتی مداخلت کا ثبوت ہے۔بھارت صرف الزامات لگا رہا ہے۔بھارت کی جانب سے پاکستانیوں کو نکالنے کا حکم نہایت غیر انسانی رویہ ہے۔

ان کا یہ بھی کہنا تھا کہ سینکڑوں ہزاروں ایسے مریض ہیں جو بھارت علاج کی خاطر گئے ہوں گے۔ پاکستانی مریض بھارت کو فارن ایکسچینج بھی دیتے ہیں۔ یہ بہت غیر انسانی رویہ ہے۔پاکستان کا بھارت میں بدامنی کا کوئی ارادہ نہیں، پاکستان کو بھارتی سائیڈ سے مسلسل نشانہ بنایا گیا ہے۔پاکستان اور بھارت کے درمیان تمام متنازعہ مسائل کو نتیجہ خیز ڈائیلاگ کے ذریعے حل کیا جاسکتا ہے۔