ڈسٹرکٹ الیکشن کمشنر قصور کے زیراہتمام معذور افراد میںووٹ کے حوالے سے آگاہی سمینارکاانعقاد

کسی بھی معذوری کا شکار افراد کیلئے خصوصی اقدامات کو یقینی بنانے کیلئے تمام متعلقہ محکموں سے تجاویز اور ان پر عمل درآمد کو یقینی بنانے کیلئے اقدامات کیے جائیں‘ڈسٹرکٹ الیکشن کمشنر قصور تنویر احمد

جمعرات 24 اپریل 2025 16:30

قصور(اُردو پوائنٹ اخبارتازہ ترین - این این آئی۔ 24 اپریل2025ء) ڈسٹرکٹ الیکشن کمشنر قصور کے زیراہتمام معذور افراد میںووٹ کے حوالے سے آگاہی سمینارکاانعقادکیاگیا۔ اجلاس میںنسوشل ویلفیئر سمیت مختلف محکموں کے افسران اور سماجی تنظیموںنکے نمائندگان نے شرکت کی۔ اجلاس سے خطاب کرتے ہوئے ڈسٹرکٹ الیکشن کمشنر قصور تنویر احمد اور الیکشن آفیسر ہما صفدر کاکہناہے کہ الیکشن کمیشن آف پاکستان کی جانب سے خصوصی افراد کے ووٹ کے اندراج اور پولنگ ڈے کے موقع پر ہر ممکن سہولیات کی فراہمی کو یقینی بنانے کے لیے بھرپور اقدامات کیے جارہے ہیں تاکہ ہمارے معاشرے کے یہ خصوصی اور اہم افراد بھی اپنا حق رائے دہی آزادانہ اور شفاف طریقے سے استعمال کرسکیں۔

الیکشن کمیشن آف پاکستان کے تحت تمام ووٹرز کو مساوی حقوق دیے جاتیہیں تاکہ تمام ووٹرز انتخابی عمل کو مستحکم بنانے کیلئے اپنی آئینی ذمہ داری بخوبی سرانجام دے سکیں۔

(جاری ہے)

ڈسٹرکٹنالیکشن کمشنر تنویر احمد خان کا مزید کہنا تھا کہ الیکشن کمیشن آف پاکستان کی ہدایات کے مطابق معاشرے کے تمام افراد کو سہولیات کی فراہمی، ووٹ کے اندراج اور بالخصوص انتخابات کے روز بنیادی سہولیات کی دستیابی کو یقینی بنانے کے لیے اقدامات کیے جارہے ہیں۔

اس سلسلہ میںنسرکاری محکموںناور سماجی تنظیموںکی مشاورت سے ایسا لائحة عمل اپنایا جاتا ہے جس سے ووٹرز کو آسانی فراہم ہوسکے۔ ان کا مزید کہنا تھا کہ کسی بھی معذوری کا شکار افراد کے لیے خصوصی اقدامات کو یقینی بنانے کے لیے تمام متعلقہ محکمہ جات سے تجاویز اور ان پر عمل درآمد کو یقینی بنانے کے لیے اقدامات کیے جائیں گے تاکہ ہمارے معاشرے کے خصوصی افراد بھی عام افراد کی طرح باآسانی اپنا ووٹ ڈال سکیں۔

اجلاس میںخصوصی افراد کے لیے پولنگ اسٹیشن پر الگ کائونٹرز، بوتھ اور دیگر سہولیات کو یقینی بنانے سمیت مختلف تجاویز پیش کی گئیں جس پر ڈسٹرکٹ الیکشن کمشنر کا کہنا تھا کہ خصوصی افراد کو پولنگ اسٹیشن پر سہولیات کی فراہمی کو یقینی بنانے کے لیے احکام بالا کو مطلع کیاجائے گا۔