Live Updates

ر*منہاج القرآن برطانیہ کے زیر اہتمام 7شہروں میں ’’ڈپلومہ ان قرآن سٹڈی‘‘

ّسینکڑوں مسلم فیملیز کی شرکت، قرآنی علوم و فنون کے ماہر حافظ سعید رضا بغدادی کے لیکچرز لله*قرآن مجید کی روشنی ہر خطہ کے افراد تک پہنچانا منہاج القرآن کا مشن ہی: شیخ الاسلام ڈاکٹر طاہرالقادری

جمعرات 24 اپریل 2025 18:25

3 لاہور (اُردو پوائنٹ اخبارتازہ ترین - آن لائن۔ 24 اپریل2025ء) تحریک منہاج القرآن کے بانی و سرپرست اعلیٰ شیخ الاسلام ڈاکٹر محمد طاہرالقادری نے کہا ہے کہ قرآن مجید کی روشنی ہر خطہ کے عوام تک پہنچانا منہاج القرآن کا مشن ہے۔ قرآن ایک زندہ معجزہ اور کرہ ارض کی مستند اور سچی کتاب ہے جو قیامت تک کے انسانوںکے لئے ذریعہ ہدایت و راہنمائی ہے۔ انہوں نے منہاج القرآن برطانیہ کی طرف سے بڑے شہروں میں ’’ڈپلومہ ان قرآن سٹڈی‘‘ کے تدریسی و تربیتی سیشنز کا اہتمام کرنے پر برطانیہ کی تنظیم اور شہروں کے منتظمین کو مبارکباد دی۔

انہوں نے اس مقصدکے لئے پاکستان سے بطور خاص برطانیہ آنے والے منہاج القرآن کے سکالر اور نظامت ایجوکیشن اور پروفیشنل ڈویلپمنٹ کے ڈائریکٹر حافظ سعید رضابغدادی کو بھی مبارکباد دی ۔

(جاری ہے)

دریں اثناء حافظ سعید رضا بغدادی نے گزشتہ روز مانچسٹر میں ’’ڈپلومہ ان قرآن سٹڈی‘‘ کے خصوصی سیشن میں لیکچر دیا اور قرآن مجید کی درست تلاوت اور تجوید و قرأت کے امور کے بارے میں تفصیل سے آگاہ کیا۔

علوم القرآن کے ان تربیتی و تدریسی سیشنز میں مسلم فیملیز بالخصوص بچے ذوق و شوق کے ساتھ شریک ہورہے ہیں اور علوم القرآن کی درس و تدریس کی سہولت مہیا کرنے پر منہاج القرآن کاشکریہ ادا کیا۔ حافظ سعید رضا بغدادی برمنگھم، وال سال، نیلسن ، گلوسگو اور لندن میں ’’ڈپلومہ ان قرآن سٹڈی‘‘ کے سلسلے میں تربیتی و تعلیمی سیشن میں لیکچر دیں گے۔