لیسکو چیف نے متعلقہ افسران کو غیر اعلانیہ لوڈشیڈنگ اور غیر ضروری شٹ ڈائون فوری طور پر معطل کرنے کا حکم دے دیا

جمعرات 24 اپریل 2025 20:40

لاہور (اُردو پوائنٹ اخبارتازہ ترین - اے پی پی۔ 24 اپریل2025ء) چیف ایگزیکٹو لیسکو انجینئر محمد رمضان بٹ نے متعلقہ افسران کو غیر اعلانیہ لوڈشیڈنگ اور غیر ضروری شٹ ڈائون فوری طور پر معطل کرنے کا حکم دے دیا۔

(جاری ہے)

ترجمان کے مطابق مختلف شعبہ جات کے سربراہان سے خطاب کرتے ہوئے انجینئر محمد رمضان بٹ نے کہا کہ موسم گرما کا آغاز ہوچکا اور یہ وقت لیسکو کے لیے بہت اہم ہے، ہم نے موسم گرما کے دوران ہر صورت بجلی کی بلا تعطل فراہمی یقینی بنانی ہے تاکہ عوام کو شدید موسم کے دوران کسی قسم کی پریشانی کا سامنا نہ کرنا پڑے،اس مقصد کے لیے متعلقہ افسران ٹرانسمیشن لائنز اور پولز وغیرہ کا خود معائنہ کریں۔

انہوں نے کہا کہ موسم گرما کے دوران ٹرپنگ بھی ایک بڑا مسئلہ بن جاتی ہے جس کی وجہ سے صارفین کا نقصان ہونے کا خدشہ ہوتا ہے لہذا س مسئلے پر بھی خصوصی توجہ دی جائے،بروقت مٹیریل ایشو کروائیں اور درست جگہ پر استعمال کریں۔ محمد رمضان بٹ نے مزید کہا کہ موسم گرما کے دوران بجلی چوری کے واقعات میں بھی اضافہ ہو جاتا ہے، اس حوالے سے بھی تمام افسران متحرک رہیں اوررینجرز کی مدد سے کارروائی کی جائے۔