Live Updates

وزیر خزانہ محمد اورنگزیب کی واشنگٹن میں ایشیائی ترقیاتی بینک کے صدر ماساتو کانڈا سے ملاقات

جمعہ 25 اپریل 2025 01:30

واشنگٹن ڈی سی (اُردو پوائنٹ اخبارتازہ ترین - اے پی پی۔ 25 اپریل2025ء) وفاقی وزیر خزانہ و محصولات سینیٹر محمد اورنگزیب نے واشنگٹن ڈی سی میں ایشیائی ترقیاتی بینک کے صدر ماساتو کانڈا سے ملاقات کی۔

(جاری ہے)

وزیر خزانہ نے بینک کے صدر کو رواں سال کے آغاز میں عہدہ سنبھالنے پر مبارکباد دی اور پاکستان کی ترقی میں بینک کی دیرینہ شراکت داری، بشمول کنٹری پارٹنرشپ اسٹریٹجی 2030-2026 اور بجٹ معاونت کو سراہا۔

فریقین نے منصوبہ جاتی عملدرآمد پر تبادلہ خیال کیا اور اس کی رفتار تیز کرنے پر اتفاق کیا۔ وزیر خزانہ نے پانڈا بانڈ کے اجرا کے لیے جزوی کریڈٹ گارنٹی کی فراہمی میں بینک کی معاونت کی درخواست کی۔انہوں نے امید ظاہر کی کہ رواں سال بجٹ معاونت بھی میسر آئے گی اور اس بات کا یقین دلایا کہ پاکستان کا وفد نومبر 2025 میں ہونے والے کاریک اجلاس میں شرکت کرے گا۔