ہیٹ ویو کا خطرہ، پی ڈی ایم اے پنجاب کا الرٹ جاری

جمعہ 25 اپریل 2025 14:00

لاہور (اُردو پوائنٹ اخبارتازہ ترین - اے پی پی۔ 25 اپریل2025ء) پنجاب ڈیزاسٹر مینجمنٹ اتھارٹی (پی ڈی ایم اے) نے ممکنہ ہیٹ ویو کے پیش نظر مراسلہ جاری کیا ہے جس میں صوبے بھر کے مختلف محکموں اور ضلعی انتظامیہ کو فوری اقدامات کی ہدایات جاری کی گئی ہیں۔ یہ مراسلہ ڈائریکٹر جنرل پی ڈی ایم اےعرفان علی کاٹھیا کی جانب سے جاری کیا گیا۔پی ڈی ایم اے نے محکمہ لوکل گورنمنٹ اینڈ کمیونٹی ڈویلپمنٹ، تمام کمشنرز، ڈپٹی کمشنرز، میٹروپولیٹن کارپوریشنز، میونسپل کمیٹیوں اور دیگر متعلقہ اداروں کو ہدایت کی ہے کہ ہیٹ ویو سے بچاو کے لیے بھرپور تیاری کی جائے۔

پی ڈی ایم اے کی ہدایت کے مطابق مراسلے میں کہا گیا ہے کہ اربان سنٹرز، پبلک پارکس، کمیونٹی ہالز، یونین کونسل دفاتر اور دیگر لوکل گورنمنٹ بلڈنگز میں عارضی اور مستقل کولنگ شیلٹرز کا فوری انتظام کیاجائےجبکہ مارکیٹس، بس سٹاپس اور مذہبی عبادت گاہوں پر ہائیڈریشن پوائنٹس قائم کیے جائیں تاکہ شہریوں کو پینے کے پانی کی سہولت میسر ہو۔

(جاری ہے)

پبلک ٹوائلٹس اور ہینڈ پمپس کو مکمل طور پر فعال رکھا جائے تاکہ عوام کو بنیادی سہولیات میں مشکلات کا سامنا نہ ہو،تمام میونسپل اداروں کو مکمل طور پر متحرک کیا جائے تاکہ ہیٹ ویو کے اثرات سے نمٹنے کے لیے فوری اقدامات ممکن ہو سکیں۔

واسا اور ریسکیو 1122 کے ساتھ مکمل کوآرڈینیشن کو یقینی بنایا جائے تاکہ کسی بھی ہنگامی صورتحال میں فوری مدد فراہم کی جا سکے۔مزید برآں، پی ڈی ایم اے نے عوامی آگاہی مہم کو بھی اہم قرار دیتے ہوئے کہا ہے کہ شہریوں میں ہیٹ ویو سے متعلق شعور اجاگر کرنے کے لیے لوکل سطح پر بینرز، سپیکرز اور مساجد میں اعلانات کروائے جائیں۔اساتذہ، مذہبی رہنمائوں اور مقامی معزز شخصیات کی مدد سے ہیٹ ویو سے بچا ئوکی عوامی آگاہی مہم چلائی جائے۔یونین کونسل اور میونسپل سطح پر ہیٹ ویو سے متعلق نمائندے تعینات کیے جائیں تاکہ انتظامات کی موثر نگرانی کی جا سکے۔

Facebook Twitter Google + Share on Whatsapp

ہیٹ ویو کا خطرہ، پی ڈی ایم اے پنجاب کا الرٹ جاری

متعلقہ عنوان :

مزید قومی خبریں