Live Updates

پاکستان ایٹمی طاقت ہے، جنگ کی تو بہت مارے گا، سابق بھارتی جنرل

مودی حکومت کو کشیدگی بڑھائے رکھنے کا مشورہ، پاکستان کی روایتی فوجی طاقت کا بھی اعتراف

جمعہ 25 اپریل 2025 14:25

نئی دہلی (اُردو پوائنٹ اخبارتازہ ترین - این این آئی۔ 25 اپریل2025ء)سابق بھارتی جنرل نے حال ہی میں بیان جاری کرتے ہوئے خبردار کیا کہ پاکستان اب بھی ایک ایٹمی قوت ہے اور جنگ کو برداشت کرنے کی کافی صلاحیت رکھتا ہے۔میڈیا رپورٹس کے مطابق ریٹائرڈ بھارتی فوج کے افسر لیفٹیننٹ جنرل ایچ ایس پناگ نے پہلگام واقعے کو افسوسناک قرار دیتے ہوئے اسے سیاحوں پر ہونے والا سب سے مہلک حملہ قرار دیا۔

(جاری ہے)

رپورٹ کے مطابق جنرل ایچ ایس پناگ نے بھارتی حکام کو جذبات میں آ کر جوابی کارروائی کرنے کے بجائے سوچ سمجھ کر حکمت عملی اپنانے کی ضرورت پر زور دیا ہے۔ریٹائرڈ جنرل کا کہنا تھا کہ بھارتی حکومت کو عوامی جذبات کی بنا پر جلد بازی میں فیصلہ نہیں کرنا چاہیے۔انہوں نے خبردار کیا کہ پاکستان اب بھی ایک ایٹمی طاقت ہے اور محدود جنگ کو برداشت کرنے کی کافی صلاحیت رکھتا ہے۔ بھارت کے پاس کسی بھی میدان میں میزائل، ڈرون یا فضائی،سمندری طاقت کوئی بڑا تکنیکی فائدہ نہیں ہے جو وہ بغیر کسی خطرے کے جوابی حملے کر سکے۔سابق بھارتی لیفٹیننٹ جنرل ایچ ایس پناگ نے اعتراف کیا کہ پاکستان کے پاس جوابی کارروائی کرنے کی صلاحیت موجود ہے، لہذا ہمیں اس کے لیے تیار رہنا چاہیے۔
Live پہلگام حملہ سے متعلق تازہ ترین معلومات