Live Updates

بانڈی پورہ:بھارتی فوجیوں کے ہاتھوں ایک اورکشمیری نوجوان شہید

علاقے میں فوجی کارروائی مسلسل جاری ہے جبکہ مزید فوجیوںکو علاقے کی طرف روانہ کیاگیاہے

جمعہ 25 اپریل 2025 14:30

سرینگر(اُردو پوائنٹ اخبارتازہ ترین - این این آئی۔ 25 اپریل2025ء)غیرقانونی طورپر بھارت کے زیر قبضہ جموں وکشمیرمیں بھارتی فوجیوں نے اپنی ریاستی دہشت گردی کی تازہ کارروائی میں ضلع بانڈی پورہ میں ایک اورکشمیری نوجوان کو شہید کر دیاہے۔

(جاری ہے)

کشمیرمیڈیاسروس کے مطابق بھارتی فوجیوں نے نوجوان کوضلع میں بازی پورہ کے علاقے کلنار میں محاصرے اور تلاشی کی ایک کارروائی کے دوران شہید کیا۔بھارتی پولیس کا کہنا ہے کہ محاصرے اور تلاشی کی کارروائی کے دوران ایک عسکریت پسند کو قتل کیاگیا ہے ،جبکہ بھارتی فورسز کے دو اہلکار شدید زخمی ہوئے ہیں۔زخمی اہلکاروںکو قریبی ہسپتال منتقل کردیاگیاہے ۔علاقے میں فوجی کارروائی مسلسل جاری ہے جبکہ مزید فوجیوںکو علاقے کی طرف روانہ کیاگیاہے ۔