Live Updates

ز*اوورسیز پاکستانیوں کو 120 دن کیلئے موبائل ڈیوائس رجسٹریشن کی عارضی سہولت

جمعہ 25 اپریل 2025 20:00

ث*اسلام آباد (اُردو پوائنٹ اخبارتازہ ترین - آن لائن۔ 25 اپریل2025ء) پاکستان ٹیلی کمیونیکیشن اتھارٹی (پی ٹی ای) کی جانب سے بیرونِ ملک مقیم پاکستانیوں اور غیر ملکی شہریوں کو موبائل ڈیوائس رجسٹریشن کی عارضی سہولت میسر ہے۔ اس سہولت کے پیش نظر پاکستان کے دورے پر آنے والے بیرون ملک مقیم افراد اپنی ذاتی موبائل ڈیوائسز ہر دورے کے دوران 120 دن کے لیے عارضی طور پر رجسٹر کر سکتے ہیں۔

(جاری ہے)

یہ صارف دوست نظام بیرون ملک مقیم افراد کو پاکستان میں اپنے قیام کے دوران بلا تعطل موبائل کنیکٹیویٹی فراہم کرنے کے لیے ڈیزائن کیا گیا ہے تاکہ رابطے میں آسانی ہو۔ یہ رجسٹریشن بالکل مفت ہے اور مکمل طور پر ڈیجیٹل طریقے سے پی ٹی اے کے آفیشل ڈیوائس رجسٹریشن پورٹل کے ذریعے کی جا سکتی ہی: https://dirbs.pta.gov.pk/drsواضح رہے کہ پی ٹی اے صارفین کو جدید، مؤثر اور جامع خدمات کی فراہمی کیلئے پرعزم ہے۔ پی ٹی اے کا مقصد اعلیٰ معیار برقرار رکھتے ہوئے ملک بھر میں زائرین کے لیے ایک مربوط اور قابل اعتماد ذرائع کی فراہمی ہے۔