ق*ایف سی کے بہادر سپوتوں کی قربانیاں رائیگاں نہیں جائیں گی، اسپیکر قومی اسمبلی

جمعہ 25 اپریل 2025 20:00

ہ*اسلام آباد(اُردو پوائنٹ اخبارتازہ ترین - آن لائن۔ 25 اپریل2025ء) اسپیکر قومی اسمبلی سردار ایاز صادق نے کوئٹہ کے علاقے میں بارودی سرنگ کے دھماکے کی مذمت کرتے ہوئے دھماکے میں شہید ہونے والے 4 ایف سی جوانوں کو خراج عقیدت اور شہید ایف سی جوانوں کے اہلخانہ سے دلی ہمدردی اور تعزیت کا اظہارکیاہے۔

(جاری ہے)

اسپیکر قومی اسمبلی نے زخمی اہلکاروں کی جلد صحتیابی کیلئے دعاکی اور کہا کہ ایف سی کے بہادر سپوتوں کی قربانیاں رائیگاں نہیں جائیں گی، دہشتگردی کے خلاف جنگ میں ایف سی کے جوانوں کی قربانیاں کو ہمیشہ یاد رکھا جائے گا،اسپیکر قومی اسمبلی نے کہا کہ شرپسند عناصر ملک میں عدم استحکام پیدا کرنے کی گھناؤنی سازش میں ملوث ہیں، ملک کے امن کو سبوتاژ کرنے والے عناصر اپنی مذموم سازش میں کامیاب نہیں ہونگے، اسپیکر قومی اسمبلی نے شہداء کے درجات کی بلندی اور لواحقین کیلئے صبر جمیل کی دعاکی۔