کراچی صدر کےشاپنگ سینٹر میں آتشزدگی، فائر برگیڈ، ریسکیو 1122 سے مدد طلب

ہفتہ 26 اپریل 2025 09:50

کراچی (اُردو پوائنٹ اخبارتازہ ترین - اے پی پی۔ 26 اپریل2025ء) کراچی کے کاروباری علاقےصدر میں واقع ایک شاپنگ سینٹر میں آتشزدگی کی اطلاع پر فائر فاٹر اور ریسکیو 1122 سے مدد طلب کی گئی ہے جبکہ واٹر کارپوریشن نے ایمرجنسی نافذ کردی ہے۔ واٹر کارپوریشن کے ترجمان کے مطابق جائے وقوعہ کی جانب واٹر ٹینکرز روانہ کردیے ہیں۔

(جاری ہے)

انہوں نے بتایا کہ فوکل پرسن ایم ڈی برائے ہائیڈرنٹس سیل آپریشن کی خود نگرانی کر رہے ہیں۔ترجمان نے بتایا کہ فائر فائٹر کو آتشزدگی بجھانے کے لیے بلا تعطل پانی کی فراہمی جاری ہے۔ واٹر کارپوریشن فائر بریگیڈ کے ساتھ آگ بجھانے کے آپریشن میں بھرپور مدد کر رہا ہے۔ ترجمان نے کہا کہ آتشزدگی پر قابو پانے تک واٹر ٹینکرز فراہم کیے جائیں گے۔