پنجاب بھرمیں 1356ٹریفک حادثات میں 17افراد جاں بحق1567زخمی ہوگئے

ہفتہ 26 اپریل 2025 18:30

لاہور (اُردو پوائنٹ اخبارتازہ ترین - اے پی پی۔ 26 اپریل2025ء) پنجاب بھرمیں 1356ٹریفک حادثات میں 17افراد جاں بحق1567زخمی ہوگئے۔ ایمرجنسی سروسزڈیپارٹمنٹ نے گذ شتہ 24گھنٹوں کے دوران پنجاب بھر میں 1357ٹریفک حادثات پر ریسپانڈ کیا جن میں 675افراد شدید زخمی ہوگئے جنہیں فوری طور پر نزدیکی ضلعی و تحصیل کے ہسپتالوں میں منتقل کیا گیا۔892معمولی زخمی لوگوں کو ریسکیومیڈیکل ٹیموں نے جائے حادثہ پر بروقت طبی امداد فراہم کی۔

ان حادثات میں زیادہ تر تعداد (75فیصد)موٹر سائیکل حادثات کی ہے۔

(جاری ہے)

ریسکیو 1122کے صوبائی مانیٹرنگ سیل کو موصول ہونے والی ایمرجنسی کالز کے مطابق حادثات میں 850ڈرائیوز،90کم عمرڈرائیور،558مسافراور176پیدل چلنے والے افراد متاثر ہوئے۔اعدادو شمار سے ظاہر ہوتا ہے کہ277ٹریفک حادثات کی فون کالز لاہور کنٹر ول روم میں موصول ہوئیں جس میں صوبائی دارالحکومت332متاثرین کے ساتھ پہلے ملتان89حادثات میں 105متاثرین کے ساتھ دوسر ے،فیصل آباد78حادثات میں 97متاثرین کے سا تھ تیسرے نمبرپررہا۔حادثات کے بیشتر واقعات میں 1306موٹرسائیکل،66آٹورکشے،170کاریں،30وین،13مسافر بسیں،31ٹرک اور98دوسری اقسام کی گاڑیاں شامل ہیں۔