کینیڈامیں(آج) الیکشن، تمام سروے اور پولز لبرل پارٹی کی جیت کی نشاندہی کررہے ہیں

7.3ملین کینیڈین ووٹرز پہلے ووٹ ڈالنے کی رعایت سے فائدہ اٹھا کر پہلے ہی ووٹ ڈال چکے ہیں

اتوار 27 اپریل 2025 11:10

اوٹاوا (اُردو پوائنٹ اخبارتازہ ترین - این این آئی۔ 27 اپریل2025ء)کینیڈا کے انتخابات کی پولنگ (آج)28اپریل کو ہوگی لیکن 7.3ملین کینیڈین ووٹرز پہلے ووٹ ڈالنے کی رعایت سے فائدہ اٹھا کر پہلے ہی ووٹ ڈال چکے ہیں۔الیکشن کے بارے میں تازہ سروے اور پول یہ بتا رہے ہیں کہ لبرل اور کنزرویٹو پارٹیوں کے درمیان مقابلہ بہت سخت ہے اور لبرل 42 اور کنزرویٹو 39، 162 تا 204 نشستوں کے درمیان حاصل کرکے حکومت بنائے گی اور وزیراعظم مارک کارنی ہوں گے جکہ این ڈی پی نامی پارٹی کی نشستوں میں مزید کمی آئے گی۔

لبرل پارٹی کے رکن پارلیمنٹ ایڈم وان کورڈین نے اپنے ایک انٹرویو میں کہا کہ ہم جی 7 ملک کینیڈا میں تمام کینڈینز کی ترقی اور موقف کو اہمیت دیتے ہیں۔ تمام اقلیتوں بشمول پاکستانی کینیڈینز مساویانہ حقوق اور ترقی کے حق دار ہیں۔

(جاری ہے)

انہوں نے کہا کہ میرے حلقے میں بہت سارے پاکستانی نہ صرف آباد بلکہ میرے سپورٹر ہیں اور اگر مجھے ہفتے کے چھ دن بھی بریانی اور مصالحے دار کھانے مل جائیں تو میں شوق سے کھالیتا ہوں۔

ایڈم وینکورڈ نے گزشتہ پانچ سال کے دوران رکن پارلیمٹ کے طور پر اپنی کارکردگی کے بارے میں بتایا کہ میرے حلقے کے ووٹرزمیرے بارے میں سب کچھ جانتے ہیں۔ لبرل پارٹی کے پلیٹ فارم سے انتخاب جیت کر میں اپنا مشن اور ووٹرز کی خدمت جاری رکھوں گا۔انہوں نے مسلم کمیونٹی کی جانب سے تمام پارٹیوں کے امیداروں کے درمیان ڈبیٹ میں بھی حصہ لیا۔