امارات کے صدر اور نریندر مودی کا ٹیلی فونک رابطہ

اماراتی صدر کا پہلگام واقعہ پر افسوس کا اظہار ،ہر قسم کی دہشت گردی کو مسترد کرنے کا اعادہ

اتوار 27 اپریل 2025 13:05

ریاض(اُردو پوائنٹ اخبارتازہ ترین - این این آئی۔ 27 اپریل2025ء)متحدہ عرب امارات کے صدر شخ محمد بن زاید اور بھارتی وزیراعظم نریندر مودی نے گزشتہ روز ٹیلی فون پر رابطہ کیا ہے جس دوران دونوں ملکوں کے سٹریٹجک تعلقات اور انہیں دونوں ملکوں کے باہمی فائدے کیلیے مزید بڑھانے کے طریقوں پر تبادلہ خیال کیا گیا۔

(جاری ہے)

اماراتی صدر نے پہلگام واقعہ پر افسوس کا اظہار کرتے ہوئے امارات کی جانب سے ہر قسم کی دہشت گردی کو مسترد کرنے کا اعادہ کیا اور اسے معاشرے کی سلامتی، استحکام اور بین الااقوامی امن کے لیے سنگین خطرہ قرار دیا۔نریندر مودی نے متحدہ عرب امارات کی سپورٹ کو سراہا اور امارات کی مسلسل ترقی و خوشحالی کیلئے نیک خواہشات کا اظہار کیا۔