سعودی عرب نے 2024ء کے دوران تیل کے علاوہ برآمدات کا حجم 137 ارب ڈالر تک پہنچا دیا

اتوار 27 اپریل 2025 16:30

ریاض (اُردو پوائنٹ اخبارتازہ ترین - این این آئی۔ 27 اپریل2025ء)سعودی عرب نے 2024ء کے دوران تیل کے علاوہ برآمدات کا حجم 137 ارب ڈالر تک پہنچا دیا۔سعودی میڈیا کے مطابق مملکت اپنی معیشت اور آمدنی کے ذرائع کو متنوع بنانے کی طرف تیزی سے گامزن ہے۔

(جاری ہے)

عرب میڈیا کے مطابق سعودی عرب نے اپنے ویژن 2030ء کے مطابق تیل کے وسائل اور آمدنی پر اپنا انحصار کم کرنے اور متنوع معیشت کے اصول کو آگے بڑھانے کی حکمت عملی میں خاطر خواہ کامیابی حاصل کی ہے۔اس کامیابی کی تصدیق سرکاری طور پر بھی کردی گئی ہے۔دوسری جانب سعودی عرب نے ایران کی بندرگاہ پر دھماکے پر اظہارِ تعزیت کیا ہے۔سعودی عرب کی جانب سے دھماکے کے زخمیوں کی جلد صحت یابی کی خواہش کا اظہار کیا گیا ہے۔