Live Updates

امریکی ٹیرف جیسے مسئلے کو سفارتی اور تجارتی سطح پر اولین ترجیح دی جائے، صدر کوئٹہ چیمبر آف کامرس حاجی محمد ایوب مریانی

اتوار 27 اپریل 2025 20:20

اسلام آباد/کوئٹہ(اُردو پوائنٹ اخبارتازہ ترین - این این آئی۔ 27 اپریل2025ء)صدر کوئٹہ چیمبر آف کامرس اینڈ انڈسٹری محمد ایوب مریانی نے کہا ہے کہ امریکی ٹیرف جیسے اہم مسئلے کو سفارتی اور تجارتی سطح پر اولین ترجیح دی جانی چاہیے،یہ صرف تاجروں یا صنعتکاروں کا مسئلہ نہیں بلکہ پوری معیشت اور لاکھوں مزدوروں کے روزگار کا مسئلہ ہے اس لیے اس مسئلے کو سفارتی اور تجارتی سطح پر اولین ترجیح دی جانی چاہیے۔

(جاری ہے)

امید ہے کہ حکومت برآمدی شعبے کے تحفظ کے لیے فوری اقدامات کرے گی۔انہوں نے کہا کہ پاکستانی برآمدات پر امریکی 29فیصد ٹیرف امتیازی اقدام ہے اگر اس مسئلے کو جلد حل نہ کیا گیا تو پاکستان کی معیشت پر اس کے شدید منفی اثرات مرتب ہو سکتے ہیں جس کا خمیازہ نہ صرف تاجر برادری بلکہ عام عوام کو بھی بھگتنا پڑے گا۔انہوں نے کہا کہ اس مقصد کے لیے ضروری ہے کہ حکومت امریکہ کے ساتھ ایک سازگار تجارتی معاہدہ کرے تاکہ پاکستان کی مصنوعات عالمی سطح پر اپنی مسابقت برقرار رکھ سکیں۔