Live Updates

پاکستان بھارت کی کسی بھی مہم جوئی کا ماضی کے مقابلے میں زیادہ سخت جواب دے گا، ڈاکٹر طارق فضل چوہدری

اتوار 27 اپریل 2025 23:10

اسلام آباد (اُردو پوائنٹ اخبارتازہ ترین - اے پی پی۔ 27 اپریل2025ء) وفاقی وزیر برائے پارلیمانی امور ڈاکٹر طارق فضل چوہدری نے خبردار کیا ہے کہ بھارت کی کسی بھی مہم جوئی کا ماضی کے مقابلے میں سخت جواب دیا جائے گا۔اتوار کو نجی ٹی وی سے گفتگو کرتے ہوئے ڈاکٹر طارق فضل چوہدری نے کہا کہ پاکستان اپنی خودمختاری اور سالمیت پر کبھی سمجھوتہ نہیں کرے گا۔

(جاری ہے)

انہوں نے اس بات پر زور دیا کہ پارلیمنٹ اور تمام اداروں سمیت پوری قوم مسلح افواج اور سیکیورٹی اداروں کے ساتھ مضبوطی سے کھڑی ہے۔انہوں نے کہا کہ اگر بھارت نے کوئی مہم جوئی کی تو اسے پہلے سے زیادہ سخت ردعمل کا سامنا کرنا پڑے گا۔انہوں نے مزید کہا کہ بھارتی جارحیت پر پاکستان کا ماضی کا ردعمل اس بات کی یاد دہانی کے طور پر کام کرے گا کہ کسی بھی جارحانہ اقدام سے فوری اور فیصلہ کن انداز میں نمٹا جائے گا۔