Live Updates

پہلگام حملہ، بھارتی میڈیا نے اپنے ہی پاں اور پروپیگنڈے پر کلہاڑی مار لی

قومی تحقیقاتی ایجنسی (این آئی ای)نے باقاعدہ طور پر کیس کی تفتیش سنبھال لی

پیر 28 اپریل 2025 15:38

نئی دہلی(اُردو پوائنٹ اخبارتازہ ترین - این این آئی۔ 28 اپریل2025ء) پہلگام حملے پر بھارتی میڈیا کی رپورٹ نے اپنے ہی پاں اور پروپگنڈے پر کلہاڑی مارتے ہوئے مودی حکومت کے جھوٹ کو پردہ چاک کردیا ہے۔ بھارتی تفتیش میں نئے انکشافات نے بھارتی پراپیگنڈے کا پول کھول دیا۔ انڈیا ٹوڈے کے مطابق 22 اپریل کو ہونے والے پہلگام حملے کے پیچھے طویل منصوبہ بندی اور مقامی مدد شامل تھی، نہ کہ پاکستان سے کسی تازہ دراندازی کا کوئی ثبوت ملا ہے۔

(جاری ہے)

بھارتی میڈیا کی رپورٹ کے مطابق تحقیقات سے معلوم ہوا ہے کہ دہشت گردوں نے کوکرناگ کے جنگلات سے بائیس گھنٹے تک دشوار گزار راستوں سے پیدل سفر کر کے وادی بیساران میں حملہ کیا۔ حالانکہ اس سے قبل بھارتی میڈیا اور حکومتی عہدیدار چیخ چیخ کر واویلا کر رہے تھے کہ حملہ آور پاکستان سے آئے تھے۔حملے میں ملوث افراد کی مقامی سرگرمیاں اور بھارتی سکیورٹی اداروں کی غفلت نے ایک بار پھر یہ واضح کر دیا ہے کہ بھارت اپنے داخلی مسائل کا ملبہ پاکستان پر ڈال کر دنیا کو گمراہ کرنے کی ناکام کوشش کر رہا ہے۔