صوبائی رجسٹرارقانونی شفاف الیکشن کاانعقاد یقینی بنائے،راشدعلی شاہ

پیر 28 اپریل 2025 18:48

کراچی(اُردو پوائنٹ اخبارتازہ ترین - این این آئی۔ 28 اپریل2025ء) آل بابرمارکیٹ فرینڈزگروپ کے چیئرمین سیدراشدعلی شاہ نے ارشاد بھٹو،حاجی خالدانصاری،سیدمرادعلی،امجدشان،محمد سمیر،عمیرسلام،فیصل وکیل،محمد صابر،آصف علی،راناامتیاز،ارشاد آفاقی ودیگرکے ہمراہ انجمن تاجران بابرمارکیٹ کے عنقریب منعقدہ الیکشن کے حوالے سے اپنے تاجربھائیوں سے جاری رابطہ مہم میں تاجروں کو پیغام دیا کہ بڑی ہی جدوجہدسے ہونے والے مارکیٹ کی تاریخ کے پہلے قانونی شفاف الیکشن جو صوبائی رجسٹرار حکومت سندھ کی نگرانی میں ہورہے ہیںاوراس الیکشن کے ذریعے منتخب ہونے والی آپ کی اپنی تاجردوست قیادت ہی آپ سب کی ہمراہی وتعاون سے ان شاء اللہ العزیزمارکیٹ کوان گنت مسائل خاص کربجلی کی ہولناک لوڈشیڈنگ سے نجات دلانے کیلئے اپنی بہترین حکمت عملی اوردستیاب وسائل برؤے کارلائیگی۔

(جاری ہے)

ہم یقین دلاتے ہیں آپکا ہرمسئلہ حل ہوگا بس آپ سب کواپنے ووٹوں کے دینے کے ساتھ قدم بہ قدم ہمراہی میں چلنا ہوگا۔ہم اپنے مثالی وعملی تعاون اورباہمی طاقت وقوت سے ناممکن کو بھی ممکن بنائیں گے۔ہم سندھ ہائی کورٹ کی جانب سے صوبائی رجسٹرار کو جاری کردہ ہدایات کہ وہ الیکشن کاپروسس مکمل کرے کاخیرمقدم اورصوبائی رجسٹرارکی مقر کردہ الیکشن کمیٹی پر مکمل اعتماد کرتے ہوئے استدعا کرتے ہیں۔

کہ قانونی شفاف الیکشن کے جلدازجلد انعقاد کویقینی بنائے۔ووٹرلسٹوں کی درستگی سمیت دیگر تنازعات کوباہمی تعاؤن سے حل کرکے طویل مدت سے التواء انجمن کے الیکشن فل الفورکرائے۔تاکہ تاجران بابرمارکیٹ کی منتخب نمائندہ دوست قیادت ان کی بے لوث عملی خدمت کے سفر کاآغاز کرسکے۔ہم اپنے ایک ایک تاجر کو پیغام دینا چاہتے ہیں۔کہ یہ مارکیٹ ہم سب کی ہے توپھر اس کی حفاظت۔ترقی وبھتری بھی ہم سب کی مشترکہ ذمہ داری ہے۔ھمارادرست فیصلہ ہی مارکیٹ کو درست سمت اورمسائل سے نجات کو یقینی بناسکتا جوصرف آپ تاجروں نے کرناہے۔اورآپ ہی ہماری اصل طاقت وقوت ہیں۔حق وسچ کاساتھ دیجئے اپنے کاروباراورمارکیٹ کے روشن مستقبل کو محفوط کریں۔