قانونی و آئینی طور پر افغانستان سے بات چیت کا معاملہ وفاق کا ہے، خواجہ آصف

وزیراعلیٰ اور گورنر پختونخوا ہ کو افغانستان سے ڈیل کی اجازت نہیں دیں گے ۔ میڈیا سے گفتگو

پیر 28 اپریل 2025 21:55

قانونی و آئینی طور پر افغانستان سے بات چیت کا معاملہ وفاق کا ہے، خواجہ ..

اسلام آباد (اُردو پوائنٹ اخبارتازہ ترین - آن لائن۔ 28 اپریل2025ء) وزیر دفاع خواجہ آصف نے کہا ہے کہ وزیراعلیٰ اور گورنر خیبر پختونخوا کو افغانستان سے آزادانہ ڈیل کی اجازت نہیں دیں گے۔ انہوں نے اس سلسلے میں کوئی تجویز دینی ہے تو وفاق کو دیں جس کا حترام کیا جائے گا ۔

(جاری ہے)

میڈیا سے گفتگو سے گفتگو کرتے ہوئے انہوں نے افغانستان سے بات چیت کے حوالے سے گورنر کے پی کے اور ، اور وزیر ا علی کے بیانات پر رد عمل دیتے ہوے کہا کہ دفاع اور خارجہ امور کا معاملہ آئین میں بہت واضح ہے، قانونی و آئینی طور پر افغانستان سے بات چیت کا معاملہ وفاق کا ہے، وزیراعلیٰ اور گورنر خیبر پختونخوا کو افغانستان سے آزادانہ ڈیل کی اجازت نہیں دیں گے۔

انہوں نے کہا اگر وہ چاہتے ہیں آزادانہ طور پر افغانستان سے ڈیل کریں تو وفاق اجازت نہیں دے گا، ایسے عمل کی نہ کوئی قانون اور نہ آئین اجازت دے گا، کوئی اپنی رائے کو وفاق پر مسلط نہیں کر سکتا۔ انہوں نے کہا وزیراعلیٰ اور گورنر کے پی اگر کوئی رائے دینا چاہتے ہیں تو اجلاسوں میں آکر اپنی رائے اور موقف ضرور دیں، وفاقی حکومت کو آکر بتائیں کہ ان کے نزدیک اس مسئلے کا کیا حل ہو سکتا ہے۔ ہم انکی رائے کا حترام کریں گے ۔