سندھ‘ رواں برس اب تک ملیریا کے 28 ہزار 2 کیسز رپورٹ

حیدرآباد سے 10 ہزار 301، سکھر 2 ہزار 532، لاڑکانہ سے 9 ہزار 592، میرپورخاص سے ملیریا کے 1834 کیس رپورٹ

منگل 29 اپریل 2025 14:05

کراچی (اُردو پوائنٹ اخبارتازہ ترین - این این آئی۔ 29 اپریل2025ء)سندھ بھر میں جنوری سے 28 اپریل تک ملیریا کے 28 ہزار 2 کیسز سامنے آئے۔ محکمہ صحت کے مطابق جنوری سے 28 اپریل تک کراچی سے ملیریا کے 234 کیسز رپورٹ ہوئے، جن میں ضلع جنوبی سے 87، ضلع ملیر سے 80 اور ضلع غربی سے 37 کیسز سامنے آئے۔

(جاری ہے)

محکمہ صحت کے مطابق حیدرآباد ڈویژن سے ملیریا کے 10 ہزار 301 کیسز، سکھر ڈویژن سے ملیریا کے 2 ہزار 532 کیسز، لاڑکانہ ڈویژن سے ملیریا کے 9 ہزار 592 کیسز، میرپورخاص ڈویژن سے ملیریا کے ایک ہزار 834 کیس اور شہید بینظیرآباد ڈویژن سے ملیریا کے 3 ہزار 509 کیسز رپورٹ ہوئے۔

محکمہ صحت نے بتایا کہ رواں سال سندھ سے دماغی ملیریا کا بھی ایک کیس سامنے آیا تھا۔محکمہ صحت نے یہ بھی بتایا کہ دماغی ملیریا کے مریض کا تعلق حیدرآباد سے ہے جو صحتیاب ہوچکا ہے۔