لاہور، نجی کالج میں 21سالہ طالبہ پہلی منزل سے گر کر جاں بحق

21 سالہ طالبہ پہلی منزل پر موجود لائبریری سے گری، واقعے کی مزید تحقیقات جاری

منگل 29 اپریل 2025 16:08

لاہور (اُردو پوائنٹ اخبارتازہ ترین - این این آئی۔ 29 اپریل2025ء) صوبائی دارالحکومت لاہور میں جیل روڈ پر واقع نجی کالج میں طالبہ پہلی منزل سے گر کر جاں بحق ہو گئی ۔

(جاری ہے)

رپورٹ کے مطابق 21سالہ طالبہ پہلی منزل پر موجود لائبریری سے گری جسے تشویشناک حالت میں ہسپتال منتقل کیا گیا۔تاہم وہ ہسپتال ایمرجنسی میں زخموں کی تاب نہ لاتے ہوئے انتقال کرگئی، مائدہ نامی طالبہ بی ایس کمپیوٹرسائنس شعبہ میں زیرتعلیم تھی۔لاہور پولیس نے کہا کہ طالبہ طبیعت ناساز ہونے اور چکر آنے کی وجہ سے پہلی منزل سے گری تاہم واقعے کی مزید تحقیقات کی جارہی ہیں۔