Live Updates

سوشل میڈیا پر جھوٹی خبریں پھیلانے والوں کیخلاف سخت ایکشن ہوگا‘ فیضان راوت

منگل 29 اپریل 2025 19:51

کراچی (اُردو پوائنٹ اخبارتازہ ترین - این این آئی۔ 29 اپریل2025ء)پاکستان پیپلزپارٹی کے رہنما فیضان راوت نے اعلان کیا ہے کہ سوشل میڈیا پر من گھڑت خبریں پھیلانے والوں کے خلاف سخت ایکشن لیا جائے گا اور ا ن کے خلاف قانونی کارروائی کے ساتھ ایف آئی اے سائبر کرائم میں درخواست دے کر ایکشن کرایا جائے گا۔ یاد رہے کہ من گھڑت خبریں پھیلانے پر حکومت کی جانب سے پیکا ایکٹ کے تحت کاررائی کی منظوری دی جاچکی ہے۔

(جاری ہے)

فیضان رات کے مطابق عوامی خدمت پر سیاسی حسد کرنے والے عناصر بے نقاب ہورہے ہیں، جھوٹے پروپیگنڈے سے عوام اب گمراہ نہیں ہوں گے ،ڈسٹرکٹ سینٹرل میں غیر قانونی تعمیرات کے خلاف آپریشن جاری رہے گا ، وزیربلدیات سعید غنی کی ہدایت پر شہر بھر میں غیر قانونی تعمیرات کے خلاف بھرپور آپریشن شروع کیا جائے گا ،غیر قانونی تعمیراتی سرگرمیوں میں ملوث عناصر کے گرد گھیرا مزید تنگ کیا جا رہا ہے۔فیضان راوت کا کہنا ہے کہ حق کی راہ میں رکاوٹیں آئیں گی مگر نیت صاف ہو تو کامیابی یقینی ہے، عوام کی سہولت اور تحفظ کے لیے بھرپور اقدامات جاری ہیں ۔ رہنما پیپلزپارٹی فیضان روات نے اس عزم کا بھی اظہار کیا کہ عوامی خدمت کا سفر جاری رہے گا، ہر رکاوٹ کا مقابلہ کریں گے ۔