پہلگام فالس فلیگ کے بعد مودی سرکار کے ساتھ ساتھ بھارتی فوج بھی بوکھلاہٹ کا شکار

منگل 29 اپریل 2025 22:26

نئی دہلی (اُردو پوائنٹ اخبارتازہ ترین - آن لائن۔ 29 اپریل2025ء) پہلگام فالس فلیگ کے بعد مودی سرکار کے ساتھ ساتھبھارتی فوج بھی بوکھلاہٹ کا شکار ہو گئی ،دو یونٹوں نے ایک دوسرے پر فائرنگ کر دی ،جس کے نتیجے میں پانچ سکھ فو جی ہلاک ہو گئے ۔ میڈیا رپورٹ میں ذرائع کے حوالے سے بتایا گیا ہے کہبھارتی فوج کی دو یونٹوں نے ایک دوسرے پر فائرنگ کی ہے یہ واقعہ 25 اور 26 اپریل کی درمیانی شب مقبوضہ کشمیر میں لائن آف کنٹرول کے علاقے بریج ، بارامولا سیکٹر میں دوران پٹرولنگ پیش آیا ۔

(جاری ہے)

فائرنگ کے نتیجے میں 5 سکھ فوجی ہلاک ہو گئے ۔ذرائع کا کہنا ہے کہ 185 بی ایس ایف جو کہ بارہ مولہ میں تعینات ہے نے 12 برگیڈ کی 13 سکھ لائٹ انفنٹری رجمنٹ پر فائرنگ کی ۔ دفاعی ماہرین کا کہنا ہے کہ واقعہ بھارتی فوج میں پائی جانے والی بوکھلاہٹکا واضع عکاس ہے ۔ اس واقعہ پر 13 سکھ لائٹ انفینٹری کے سکھ جوانوں میں شدید غم و غصہ پایا جاتا ہے۔دفاعی ماہرین کا کہنا ہے کہ یہ اپنی نوعیت کا پہلا واقعہ نہیں بلکہ ماضی میں بھی اس طرح کے واقعات ہو چکے ہیں ۔ ماہرین کا یہ بھی کہنا ہے کہپاک فوج پر اپنی سرحدوں کے دفاع کیلئے مکمل تیار ہے۔