26نومبر ڈی چوک احتجاج کیس میںپی ٹی آئی رہنمائوں کی عبوری ضمانتوں میں 24 جون تک توسیع

منگل 29 اپریل 2025 23:36

اسلام آباد (اُردو پوائنٹ اخبارتازہ ترین - این این آئی۔ 29 اپریل2025ء)اسلام آباد کی انسداد دہشت گردی کی عدالت نے پی ٹی آئی رہنمائوں کے خلاف 26 نومبر ڈی چوک احتجاج کیس میں عبوری ضمانتوں کی توسیع کردی۔ انسداد دہشت گردی عدالت کے جج ابوالحسنات ذوالقرنین نے کیس کی سماعت کرتے ہوئے تمام پی ٹی آئی رہنماں کی عبوری ضمانتوں میں 24 جون تک توسیع کردی۔

(جاری ہے)

دورانِ سماعت عمر ایوب، علی بخاری، شعیب شاہین عدالت میں پیش ہوئے جبکہ شیر افضل مروت اور شہریار آفریدی کی جانب سے حاضری سے استثنیٰ کی درخواست دائر کی گئی۔عدالت نے شہریار آفریدی کی حاضری سے استثنی کی درخواست منظور کرلی جبکہ عمر ایوب کو شاملِ تفتیش کرنے کی ہدایت کی۔پی ٹی آئی رہنمائوں کے خلاف سیکریٹریٹ، ترنول، کوہسار، شہزاد ٹان و دیگر میں مقدمات درج ہیں۔