ڈی ایس پی سٹی ٹریفک پولیس سیالکوٹ کی جانب سے عوام میں مفت ہیلمٹ تقسیم کیے گئے

منگل 29 اپریل 2025 23:42

سیالکوٹ (اُردو پوائنٹ اخبارتازہ ترین - اے پی پی۔ 29 اپریل2025ء) ڈسٹرکٹ پولیس آفیسر فیصل شہزاد کی ہدایت پر ڈی ایس پی سٹی ٹریفک پولیس سیالکوٹ مدثر صدیق نے کشمیر روڈ پر شہریوں کو موٹر سائیکل سواری کے دوران پیش آنے والے ٹریفک حادثات سے انسانی جان کی حفاظت کیلئے ہیلمٹ کے فوائد بتائے اور عوام میں مفت ہیلمٹ تقسیم کیے۔

(جاری ہے)

انہوں نے کہا کہ ٹریفک قوانین پر عملدرآمد اور موٹر سائیکل چلاتے ہوئے ہیلمٹ کے استعمال سے مہلک حادثات سے بچا جاسکتا ہے، ہیلمٹ کا استعمال انسانی جان کے ضیاع اور مستقل معذوری سےمحفوظ رکھتاہے۔