صوبے کے بیشتر اضلاع میں موسم جزوی طور پر ابر آلود رہنے کے ساتھ گرم اور خشک رہنے کا امکان ہے، محکمہ موسمیات

بدھ 30 اپریل 2025 23:29

کوئٹہ (اُردو پوائنٹ اخبارتازہ ترین - آن لائن۔ 30 اپریل2025ء) علاقائی موسمیاتی مرکز بلوچستان کے مطابق بدھ اور جمعرات کو صوبے کے بیشتر اضلاع میں موسم جزوی طور پر ابر آلود رہنے کے ساتھ گرم اور خشک رہنے کا امکان ہے، صوبے کے جنوبی نصف حصے میں درجہ حرارت معمول سے زیادہ رہنے کا امکان ہے، ساحلی علاقوں میں ہوا چل سکتی ہے۔

(جاری ہے)

تاہم دوپہر کے وقت چاغی، قلات، خضدار، شیرانی، موسی خیل، زیارت، بولان، مسلم باغ، کوہلو سمیت گرد و نواح میں چند ایک مقامات پر آندھی اور گرج چمک کے ساتھ بارش کا امکان ہے۔ گزشتہ 24 گھنٹوں کے دوران سب سے زیادہ درجہ حرارت سبی میں 47 ڈگری سینٹی گریڈ ریکارڈ کیا گیا۔